2013回顧（音樂篇 2）

寫完2013年嘅最愛歌曲，又例牌寫寫我2013年心目中嘅最爛選擇，只列出我聽過嘅……

2013年我心目中嘅廿大爛歌

1.麥皓兒／吳綺珊 - 請你食麵  試聽
2.鄒凱光 - 阿叔今年四十歲  試聽
3.阮民安 - 踩唔死我  試聽
4.金沙中國團隊 - Because We Care  試聽
5.S.K.Y - To The Sky  試聽
6.陳蕊蕊 - 戀愛觀光禮  試聽 
7.王蓉 - 好樂Day  試聽 
8.許志安 - 試新室  試聽
9.Super Gear - 少女心事  試聽
10.梁漢文 - MMM~十三件唔知好過知的事  試聽
11.左麟右李 - 跳啦河馬  試聽
12.冰果甜心（Bingirls）- Pinky Love  試聽
13.王梓軒 - 跳火坑  試聽
14.吳雨霏 - 就有就有  試聽
15.陳靜 - 相信愛情  試聽
16.黃家強 - 好好  試聽
17.Super Girls - 迷失東京  試聽
18.As One - 4ever  試聽
19.陳百祥 - 即刻變富豪  試聽
20.AGA - 能說不的秘密  試聽

2013年最爛的合唱作品

金 : 麥皓兒／吳綺珊 - 請你食麵  試聽
銀 : 金沙中國團隊 - Because We Care  試聽
銅 : 楊冪／劉愷威 - 如果愛老了  試聽

麥小姐、吳小姐，因為你哋，我已經冇食麵幾個月喇！

2013年的最爛改編歌曲

金 : 阮民安 - 踩唔死我（原曲：G-Dragon - Crayon）試聽
銀 : 羅力威 - 三人行（原曲：林子祥、劉天蘭、詩詩 - 三人行）試聽
銅 : As One - Red Hot Hits（原曲：群星組曲）試聽

多謝「樂壇小強」阮民安為大家親身示範何謂「柒到唔敢睇」！

2013年的失敗翻唱示範作

羅鈞滿 - 木紋（原唱：何韻詩）試聽
何傲芝 - 化蝶（原唱：何韻詩）試聽
黃智雯 - 愛是最大權利（原唱：Ping Pung）試聽
張名雅 - 華麗邂逅（原唱：容祖兒）試聽
梁烈唯 - 愛情陷阱（原唱：譚詠麟）試聽
黃宗澤 - 只得一次（原唱：關淑怡）試聽
楊思琦 - 我願意（原唱：王菲）試聽
許靖韻 - 歲月如歌（原唱：陳奕迅）試聽
陳妍希 - 天黑黑（原唱：孫燕姿）試聽
郭書瑤 - 我只在乎你（原唱：鄧麗君）試聽
舒淇 - 一生所愛（原唱：盧冠廷）試聽
胡鴻鈞／何雁詩 - 相愛很難（原唱：張學友、梅艷芳）試聽
林欣彤／Gin Lee - 不如不見、夢幻的擁抱（原唱：梅艷芳）試聽
星夢幫 - 冰山大火、妖女、將冰山劈開、夢伴（原唱：梅艷芳）試聽

分～開～簡～單～羅生，點解應該要轉key嘅地方你唔轉key？
你係咪諗住可以利用你個膠水頭成功轉移視線，然後再用慣性收視嚟迫觀眾就犯？
當你唱到呢一句嗰陣，有諗過喺電視機前面一班觀眾嘅心情嗎？
雖則係人都知道，所謂嘅《腥夢傳奇》根本只係一場滿台精液嘅馬騮戲，
但係為咗我哋一班香港市民嘅聽覺同健康著想，
本人喺度想懇請羅先生你勿再將自己跟歌唱兩字拉上關係好嗎？謝謝！

2013年最九唔搭八的電視劇主題曲

林子祥 - 前傳（電視劇《衝上雲霄II》主題曲）試聽

我覺得首歌本身係冇乜問題，只係配落《衝上雲宵》呢個劇名度就硬係有D格格不入，
但若果我話畀大家知，呢齣劇個劇名原本係叫做《衝上雲霄II之志氣比天高》嘅話，
唔知各位又會唔會對呢首主題曲有所改觀呢？但其實講嚟都嘥鳩氣啦！
事關你套嘢本來就只係一套鹽花多過天花，肉麻當有趣嘅婆媽師奶劇，
成班主角、配角最鍾意就係喺張床度衝上雲宵，集集打飛機仲多過揸飛機，
計我話你不如搵返許志安咸豐年前嗰首「迷糊情慾對象」嚟做主題曲啦！咁成件事咪fit晒囉！

2013年最騎呢的廣告歌
 
宜家家居 - 2014家居目錄

 

死啦～畀你哋咁搞一搞……我以後去親IKEA見到班sales實會忍唔住笑！XDXDXD～ 

2013年最令人匪夷所思的MV

 

表面上，佢係一架私家車，實際上，佢係一架智能洗衣機，
方便大家出席完一D宴會場合之後，能夠神不知鬼不覺咁洗衫；
呢個劉子千表面上係一位歌手，實際上，佢其實係一名喜劇演員，
而劉子千本身其實亦都係一個表面嘅掩飾，事實上……
佢真正身份，其實就係「台灣荒謬大師」沈玉琳，問你死未？

2013年華語樂壇最不解之謎

張惠雅（Regen）- 莞爾
 
 

點解？點解好哋哋一首悲情歌要用咁後現代嘅方式嚟去演繹呢？
哦～我明白喇！妳係咪想表達出愛情就等知一場死不斷氣嘅耐力賽呀？係喇！一定係咁！

2013年最爛男演唱人

 

金 : 黃宗澤
銀 : 鄒凱光
銅 : 阮民安

有一間電視台，佢哋好鍾意搵一D「零演技」嘅歌手返嚟拍劇，

同時又叫一班五音不全嘅演員出去唱歌，我想問……
究竟呢種咁另類嘅風氣係由幾時開始？為乜要咁樣嚟去害鳩自己人呢？

2013年最爛女演唱人


 
金 : 陳妍希
銀 : 陳靜
銅 : 陳蕊蕊

兮屙屙～嘻呵呵～兮屙屙～屙屙～望住「小籠包」妍希BB痛苦嘅表情，
再靜心欣賞埋佢嘅「出色演繹」之後，唔知點解，我有D急屎……

2013年最爛演唱組合

 

金 : S.K.Y
銀 : Super Gear
銅 : As One

嘩屌～呢隊嘢不如索性改名叫做「Half.Past.Six」啦仆街！

2013年最爛新人

黃智雯、何傲芝、張名雅、羅鈞滿、梁烈唯、麥皓兒、吳綺珊、陳靜、S.K.Y

喺一班唔識唱歌嘅藝人當中選一個冠軍出嚟，
一個咁荒謬嘅歌唱節目竟然可以收視爆燈，仲叫好又叫座，真係唔到你唔服！

2013年最爛唱作人 - 阮民安

 

請大家肅靜！香港G-Dragon要開始發表佢嘅得獎感言喇！

我不直接回答你，用圖片回答你。

2013年最「震陷」的音樂演出



嘩！亞洲鼓王呀！Yoshiki二世呀！Buddy Rich翻生呀！
Chicago Bulls狂派再起呀！Michael Jordan咬人呀！我鍾意呀！

2013年最洗腦神曲大獎

好好（黃家強）試聽

今天我好好～好好嘢～今天我好勁～冇得頂～我係黃家強～佢係黃貫中～

2013年最洗腦歌詞大獎

能說不的秘密（梁栢堅）試聽

人人亦話我太屎忽，好似隻狒狒，都會說聲FUCK，就是太笨柒！

2013年最慳皮作曲大獎

Thank You（雷頌德）試聽 

「Too Much Heaven」Intro +「Make It With You」Melody？
屌！咪玩啦！向來最尊重原創精神嘅殿堂級音樂大師Mark哥又點會抄歌呢？

2013年最慳皮編曲大獎

Thank You（雷頌德）試聽

屌！講呢D！都話咗冇可能囉！你哋清醒D啦！
分明係Bee Gees同Bread又私自搭時光機過嚟偷咗雷大師D嘢啦！
 
2013年最爛填詞大獎

阿叔今年四十歲（林阿P@my little airport）
請你食麵（陳雋良、吳綺珊、麥皓兒）
MMM~三件唔知好過知的事（林若寧）
試新室（陳詠謙）
出發（夏至）

吓？乜呢D係歌詞嚟㗎？唔啱音又唔跟旋律，一味喺度亂塞字，
莫非呢種另類潮流就係「搞靚衫」成日標榜嘅真音樂？
坦白講，有時候我真係好佩服「搞靚衫」呢個機構，
我一直都認為呢個台嘅嗰套洗腦模式簡直係本土音樂界嘅國民教育！
呢班躝癱經常都拎住「尊重原創精神」呢句嘢去hardsell一D垃圾音樂，
成功令一堆不堪入耳嘅爛歌變成時下潮物，
而某部分樂迷為咗要追隨呢股荒謬熱潮，就唯有揜住自己對耳同個良心，
仲要對住呢堆垃圾拍手叫好，當非主流變成主流，真係睇見都打冷震。

2013年最爛填詞人 - 陳詠謙

代表作：

萬夫莫敵（王梓軒）

鑽石會籍（陳慧琳）

手刃情人（關楚耀）

自由軌道（C AllStar）

試新室（許志安）

我正在（吳雨霏）

蠻可愛（鍾舒漫）

不失禮（周美欣）

睡前服（泳兒）

魚眼（陳柏宇）

是時候放鬆一下（張敬軒）

平心而論，陳詠謙玩填字遊戲真係稱得上世界級！

2013世紀足金歌喉大獎 - 朱壽仁主席

 

大家一齊起身！起身起身起身！嗱！好簡單嘅啫！支持靚聲王嘅就……請坐～低！


而家香港班音樂人同歌手真係滿身都係G點，仲成日主張「家醜不出外傳」，
呢班大帝最想得到嘅唔係人哋嘅真心支持，而係繼續享受一份居高臨下、萬人膜拜嘅虛榮感，
至於一班用心聽歌嘅樂迷就漸漸選擇避口不談，就算係真金白銀拎錢出嚟買正版唱片嘅亦都無一倖免。
即係我哋以後喺電台、電視同網上聽到一D垃圾歌都唔可以鬧，更唔可以扁咀，仲要即刻拍手叫好！
去睇演唱會嗰陣聽到台上嘅歌手走音，在場觀眾就要幫佢諗定「一千個走音的理由」。
固步自封固然係可以處於一個不敗之地，但係如果連半句批評都包容唔到……
咁成個香港樂壇又同D圍威喂嘅小圈子選舉有乜嘢分別呢？

首先，我唔認同樂壇已死，而喺聽歌方面，自問亦絕對唔係一個只會懷緬過去嘅人。
香港當然係有唔少值得人尊重嘅好詞人，佢哋喺文字差唔多用盡嘅時候依然能夠定時交出一堆佳作，

齋講呢點我確實係打從心底咁佩服佢哋，只不過，嗰D拖住個「姐姐」都可以打飛機打上天嘅「老作詞人」……

係咪需要認真去檢討一下自己呢？細佬中三畢業，冇資格話人文盲，
但若然連我呢個冇乜讀過書嘅老粗都聽得出你哋寫嘅歌詞係狗屁不通嘅話，
咁閣下是咪好應該要立刻拎呢堆「驚世巨作」返屋企重作一次呢？

同場加映倒數大餐 - 大埔御八築地創作料理

重臨老地方，味道依然，份量依舊，但價錢就貴咗一倍有多！哈哈～

喺度祝各位新年快樂，祝咁多位事事順利，平平安安，最緊要日日有食神！