2013年6月25日星期二

《食在紅磡 2》

家陣喺香港地食飯真係越嚟越X貴,搞到班打工仔個個都叫苦連天,
近日港島某酒店所推出嘅「$128黯然銷魂餐蛋飯」成為咗城中熱話,更引嚟社會各界一片譁然。
我一向都甚少會寫一啲同“食”有關嘅題材,
點解?一來唔識寫,二嚟係我喺食嘢方面長年以來都十分之單調,
基本上我每次同女友/朋友出去食飯都係
來來去去嗰幾味,
唔係打邊爐就係食壽司,
唔係食壽司就係打邊爐……

直至幾年前,我因為工作嘅關係,經常都會喺紅磡嗰頭四處覓食,
卒之喺上年我就手痕痕咁寫咗一篇《食在紅磡》,出嚟嘅反應仲相當唔錯㖭!
但另一方面,我又好不幸咁成為咗一位超級燈神兼烏鴉咀,
諗返我上次介紹過嘅紅磡食店裡面,淨係得
《錦記》《榮發》叫做保持水準,

其餘嘅食店唔係質素每況越下就直頭直接關門大吉,真係仲強過球王比利呀!
哈哈~希望今次呢一篇《食在紅磡II》唔會再令各位blog友中伏啦!
喺呢篇Blog度我會繼續重點推介紅磡一啲平靚正嘅食店畀大家,
事關小弟同你哋一樣都係打工仔,平時放飯嗰陣通常都係會揀返啲經濟又實惠嘅嘢嚟食,
至於嗰啲價值不菲嘅名貴大餐,當然就係要等到假期先同好友/家人一齊分享啦!

好~廢話少講!即刻帶咁多位嚟到《食在紅磡II》嘅第一站,
嗱!咪睇呢間茶餐廳個外觀好似噏噏耷耷咁呀~入面啲嘢食大部分都好靠得住㗎!

呢間位於必嘉街82號嘅《利源茶餐廳》,係紅磡一眾殯儀業人士嘅至愛食堂。
雖然環境麻麻,冷氣唔夠,畀人個感覺又唔太衞生,但店內嘅快餐就確係大件夾抵食,價錢極抵。
你哋睇吓!一碟勁多汁嘅火腿孖腸雞扒飯加碗例湯再加多杯凍飲都只不過係$31!
而且班靚姐仲個個都有求必應,你鍾意雞扒轉豬扒又得,牛肉轉肉片亦得,
有時就算你只係入嚟食碗麵,都有可能會送碗例湯畀你暖暖個胃。

除咗碟頭飯之外,《利源》嘅炒嘢亦都係一班熟客嘅必叫之選,
我特別鍾意佢哋出品嘅上海炒粗同埋星洲炒米,
夠鑊氣之餘又唔太油,唯一缺點係好鬼熱氣,唔可以成日食。

《利源茶餐廳》

地址:紅磡必嘉街82號地下
電話:2356 9658
營業時間:
星期一至日06:00 - 19:30

各項評分(五個為滿分)


食物質素:
抵食程度:
服務態度:  
環境: 
衛生: ㊣ 

介紹完一間超抵食嘅茶記,又帶大家嚟到另一間好有特色嘅茶餐廳,
不過我所講嘅有特色,並唔係指店入面啲菜式有幾特別,而係指一班火氣猛烈嘅性格員工。
位於寶其利街59-67號嘅
《合發茶餐廳》,無論係老闆定伙記都好有個性,

尤其係佢哋嘅老闆同老闆娘,男嘅就霸氣十足,成日隊啤,成個複製譚炳文咁款;
女嘅就黑口黑面,冇水洗面,似足翻版元秋一樣,絕對係如假包換嘅包租公包租婆!

大大份嘅滋味特餐,有奄列有方飽有湯麵有嘢飲,只售$29。
餐牌日日印住嘅「鹽焗雞脾飯」擺明係搵笨實,飯硬菜霉雞脾凍,簡直係十級難食!
晚市必嗌嘅小菜套餐,多餸少飯有靚湯,價錢實惠又好食,
值得一提嘅係,《合發》嘅紅豆冰都稱得上係冠絕全個紅磡,到底有幾正?試過你就知!
簡單嚟講,呢間茶記嘅食物質素同服務態度就同老闆嘅心情一樣忽上忽落,
好嘅時候可以好好,差嘅時候又可以差得一個點,
但我本人正正就係喜歡炳文哥呢種難以捉摸嘅感覺,無他嘅!因為我欣賞佢!
 

《合發茶餐廳》 

地址:紅磡寶其利街59-67號寶威大廈地下1號舖
電話:2355 7001
營業時間:
星期一至日08:00 - 21:00

各項評分(五個為滿分)

食物質素:
抵食程度:
服務態度:  
環境:
衛生:


以前有位住喺黃埔嘅同事間唔中就會帶我去位於黃埔街20號地下嘅《金源燒腊度開飯,
呢間燒味嘅叉燒、燒肉、切雞、乳豬同蒸飯都幾有水準,唯獨係燒鴨嘅味道就只屬一般。

$32一碟燒肉切雞飯配一碗濃味精湯,唔算得上話好平,
但比起太興嗰類燒味連鎖店個價錢就合理好多,
同埋以呢間舖日日人來人往嘅情況嚟睇,班伙記嘅服務態度都算OK。

《金源燒腊茶餐廳》

地址:紅磡黃埔街20號地下
電話:2365 2868
營業時間:
星期一至日06:30 - 22:00

各項評分(五個為滿分)

食物質素:  
抵食程度:
服務態度:  
環境: 
衛生: ㊣ 

 
《新川美食》開業唔夠一年就搶咗隔離街《川粵米線大王》唔少生意,
原因係乜?
一來係價錢問題,二嚟係佢啲米線確實係大碗又足料,
撞啱
《川粵》嗰邊嘅水準每況越下,仲要越賣越貴,所以相比之下咪畀人搶晒啲客囉!
作為一間專賣酸辣米線嘅食店,《新川》嘅款式就比《川粵》多元化啲啲,
而講到《新川》米線嘅味道我認為只係中規中矩,佢嘅湯底偏淡冇乜味精,
啲炸菜又鬼死咁多渣!配料方面,個人就偏愛龍蝦丸、蟹子丸、腩肉同麻辣豬耳,
另外,仲想大力推介呢度嘅超值油菜,$8大大碗,絕無偷工減料!
以上飲品一律超抵價$5,記住千祈唔好飲黑白豆漿,否則後果自負!嘿嘿~
《新川美食》

地址:紅磡必嘉街93號黃埔唐樓C104鋪
電話:2364 2788
營業時間:
星期一至日11:30 - 22:30

各項評分(五個為滿分)

食物質素:  
抵食程度:
服務態度:  
環境: 
衛生:㊣ 

講起上嚟,我都有一段時間冇嚟過《餃子王》食嘢,前幾日再幫襯……
個Feel同以前一模一樣,間舖嘅醙味有增無減,個廚房都仲係咁污糟邋遢,
而喺度做咗好耐嘅嗰位老員工就依然好似【逃學威龍】個曾近榮咁,呢頭落完單,轉頭就漏單。
呢排有啲病病哋,淨係點咗個「招牌餃子麵餐」食,$29碗雙拼餃子麵送一杯無味豆漿,
呢次我就揀咗芹菜同咖喱雞做餡料,味道都尚算可以啦!但啲餃皮就一如既往又厚又硬。
更搞笑嘅係,間舖個牌頭講到明叫做《餃子王》
但裡面嘅酸辣麵同擔擔雞翼麵,反而就做得比餃子更出色,認真係估佢唔到!

《餃子王》

地址:紅磡寶其利街41號地下
電話:2349 7755
營業時間:
星期一至日10:00 - 02:00

各項評分(五個為滿分)

食物質素:
抵食程度:
服務態度:  
環境: 
衛生:

 
喺我公司附近唔係咁容易搵到啲似樣少少嘅泰國菜,
而上面呢一間《金香茅》都可算係紅磡平民泰國菜當中嘅表表者。
呢碗《金香茅》冬蔭功海鮮米缐,香辣適中又夠味,用嚟驅寒就至啱!
 
個海南雞飯算係不過不失啦!啲雞幾滑,啲飯幾香,配埋碟甜酸醬,非常醍胃。
 
《金香茅泰國菜館》

地址:紅磡必嘉街地下90B號舖
電話:2334 6452
營業時間:
星期一至日11:30 - 23:30

各項評分(五個為滿分)

食物質素:
抵食程度:
服務態度:
環境: ㊣ 
衛生:

蘇玉華介紹過嘅呢間名叫《韓點》嘅韓式小食店,唔知有冇Blog友試過入去一探究竟呢?
呢樹係我公司班韓國老闆每日必到嘅聚腳點,久而久之就連我都畀佢哋影響埋。
《韓點》嘅咁多款韓式美食當中,
個人嘅首選係酸辣泡菜湯飯/麵,其次就係什錦拌飯,前者超醒胃,後者夠飽肚,
除此之外,呢度嘅魚蛋同炒年糕同樣都係All Time My Favorite!
 
咦~有新嘢食喎!自製秘醬韓式杯杯雞?等我聽日過嚟試吓先!
《韓點 Hon Dim》
 
地址:紅磡寶其利街59-67號寶威大廈地下2號舖
電話:3480 4441
營業時間:
星期一至日12:00 - 22:00


各項評分(五個為滿分)

食物質素:  
抵食程度:
服務態度:
環境:
衛生: 


最近開正喺我公司對面嘅呢一間日式拉麵店,啲價錢真係離地到仆街,
入去食過一次之後,老老實實,我又唔覺得有乜咁特別啵!咪又係一碗
普通嘅味精拉麵!
坦白講,如果以同等價錢,我不如就行多兩步走去《三河屋》度打躉仲好!
起碼比較起上嚟人哋個
CP值都高好多,而且食物種類又比你多元化得多!
好好味嘅叉燒拉麵,麵質爽滑有咬口,叉燒夠嫩又夠腍,
較為美中不足嘅係個湯底太鹹,直頭同杯麵啲味粉有得揮!
開講都有話隔離飯香,望到同事碟咖喱吉豬飯,令我忽然產生出一種想偷食嘅衝動!呵呵~

暫時仲未有機會試吓呢度嘅刺身,搵次一定要同班Friend嚟試
題外話,喺《三河屋》對面仲有一間叫做《尾張屋》嘅日式料理店,
聽聞係《三河屋》嘅分店嚟,我自己就曾經入去食過一次嘢,
食完之後仲深感畀人搵老襯,例如係佢
個招牌炸雞定食,
原來只係得嗰幾嚿麥樂雞+兩粒蕃茄仔,然後再畀多碗白飯同麵鼓湯你,
咁樣就想收人哋$58?真係過火啲啩!於是我從此就將佢永久blacklist!
《三河屋》

地址:紅磡明安街14號寶石戲院大廈地下D舖
電話:2330 7175
營業時間:
星期一至日:12:00 - 14:30,18:00 - 01:00

各項評分(五個為滿分)

食物質素:
抵食程度:  
服務態度:
環境:
衛生:

話咁快就嚟到《食在紅磡II》嘅Last兩站喇!
呢間歷史悠久嘅《林記小食》所賣嘅港式小食真係堪稱人間極品!
正因為咁,即使佢哋間舖開喺啲咁偏僻嘅位置,每日就照樣都係排晒長龍,客似雲來。


$7四大條香滑腸粉,軟熟夠實,撈埋啲麻醬、甜醬、辣醬落去,個口感仲正。
魚蛋夠彈牙,螺肉夠爽口,燒賣夠煙韌,唔會好似出面啲燒賣咁一嚿粉,好想Encore嚟多Round!
《林記小食》

地址:紅磡差館里,觀音廟對面
電話:唔知
營業時間:
唔清楚


各項評分(五個為滿分)

食物質素:
抵食程度:
服務態度:  
衛生: 

仲記得以前《百佳》《惠康》嗰啲「$3自選壽司」嘛?
而家喺香港已經好難可以再買到一啲又平又抵食嘅壽司,
直到台灣過江龍《爭鮮》嘅出現,先正式解決咗一班壽司愛好者荷包乾硬化問題。


正所謂一分錢一分貨,一嚿價值$3嘅壽司,我當然唔會對佢有任何期望……
但求過吓口癮就算!喂阿哥~$3咋喎!喺出面想齋買下面嚿飯都唔得啦!仲想點呀?
《爭鮮外帶壽司》

地址:紅磡德民街2-34E號黃埔新村地下4G號舖
電話:3470 3030
營業時間:
星期一至日:10:30 - 22:30


各項評分(五個為滿分)

食物質素: 
抵食程度:
服務態度:
衛生: 


俗語有云:「一雞死,一雞鳴」,《出前一D》執笠冇耐……
公司附近好快又開咗另一間外帶壽司店,噚日我就身先士卒走去買咗袋外賣返Office,
發覺間嘢啲壽司嘅味道同賣相只係同《金太郎》差唔多,
但價錢方面就貼近《元氣》
《元綠》,咁嘅價位,加上款式又唔多,
想做起個招牌確實係難過登天,希望佢哋未來會有所改善啦!

 
其實紅磡又點只咁少好嘢食呀?《媽咪雞蛋仔》《文記海鮮飯店》
《生記滷味》《千本目居酒料理》《上海飽餃店》《海馬快餐店》……
仲有一眾公仔佬至鍾意幫襯嘅《新忠記打冷小菜館》,通通
都係喺紅磡出晒名嘅美味食肆!

呼~一口氣介紹咗咁多好嘢食,真係講到口都乾! 
等我去超市整返罐透心涼嘅冰凍啤酒嘆吓先!只不過,罐嘢咁巨型……叫人點飲呀屌?

PS:部份相片係取自OpenRice.com。

164 則留言:

  1. 我的名字叫悲傷2013年6月25日 下午8:03

    好多野食呀~

    回覆刪除
  2. 調酒師天花Celing@wine2013年6月25日 下午9:20

    媽咪雞蛋仔的朱古力雞蛋仔,好好味

    回覆刪除
  3. 我食野好簡單既! 只要碟飯多汁我就收貨了!

    回覆刪除
  4. 迪哥,你搞到我好想去合發茶餐廳度食飯...

    回覆刪除
  5. $128...食午餐肉蛋飯...我都嘩然... [(big grin)]
    ♪•*Good night*MY █▄ϑ❤Ҽ 好朋友(◕ε⌒* )

    回覆刪除
  6. 早晨,
    紅墈食肆被你一 寫,
    唔好話逐間試........
    我由上面睇到落下面都需要時間呀!

    回覆刪除
  7. 阿妹住紅磡, 不知佢又試過幾多間呢?

    回覆刪除
  8. 你唔係真的食晒咁多間嘛,間間有圖又有評語,真佩服!
    [版主回覆07/19/2013 02:08:00]
    我在紅磡工作已經有三年了……

    回覆刪除
  9. 噢,你個介紹好詳盡………..相信呢排餐疍飯銷量會突然好咗.

    回覆刪除
  10. 嘩~你去邊度打邊爐呀?咁正既?
    [版主回覆07/19/2013 02:07:00]
    正冬!

    回覆刪除
  11. 唔好話紅磡...香港近呢十幾年度度都有食肆...你有冇發覺?!!!

    回覆刪除
  12. 有段故: 資料來源:「少年食神」林澄光(Michael)
    :「他又澄清餐牌上根本沒有餐蛋飯,一般顧客難嚐,「只係有朋友想食得牙擦啲,
    我哋至整畀佢哋食,後來雜誌想介紹,先至登咗出嚟。」
    $128餐蛋飯有乜料?
    午餐肉:
    金華火腿製成
    雞 蛋:
    湖南衡陽雞蛋
    飯:
    日本秋田小町米
    豉 油:
    生抽、老抽、葱頭、海味和金華火腿調和秘製。

    回覆刪除
  13. Time:早晨呀!謝您的好介紹!哈哈哈.................我都去試下先!我祝您週三愉快!

    回覆刪除
  14. 嘩,睇咁多野你真伙食肉獸喎, 菜都唔多條.
    爭鮮有小強係壽司度爬, 店員都只係拎起件壽司掉落垃圾桶度當冇事咋.超核突
    [版主回覆07/19/2013 02:06:00]
    我本身食好多菜的,但而家出去食真係菜都唔多條!

    回覆刪除
  15. 「黯然銷魂餐蛋飯」128.....好名,好意頭

    回覆刪除
  16. 餐蛋飯要$128?唔係咁呀?食左曉飛架?

    回覆刪除
  17. 唔知點解, 我每次番來香港, 最喜歡係去小食店, 點魚蛋/腸粉/豬皮/牛雜之類, 因為常常有D好靚的妹妹係度排隊買野食, 我排埋一份, 可以讓這些妹妹看看我這的樣貌.....

    回覆刪除
  18. 5公升啤酒, 叫埋你D老友一齊來飲, 6-7個人一定飲得哂.

    回覆刪除
  19. 黃師奶廚藝小百科2013年6月26日 上午10:51

    哈~呢期大家都係講梗呢個餐蛋飯問題~!!

    回覆刪除
  20. 好一版平民大眾化的餐飲寫實篇.....岩晒我地小市民找醫肚地方..!!

    回覆刪除
  21. 罐巨啤真係望見都想醉!

    回覆刪除
  22. 你真係食盡紅磡 ^^ 不少茶餐廳都幾好呀, 螺肉尼樣好耐都味吃過 ...

    回覆刪除
  23. 蜓子...................2013年6月26日 上午11:30

    細個時,經常去,,,,,,,,,,早幾年都有,因為有朋友係到住,,,,,,,,,

    回覆刪除
  24. 《爭鮮》我食唔飽,《林記小食》好似好吸引!!

    回覆刪除
  25. if the meal is delicious, it's a bonus.

    回覆刪除
  26. 調酒師天花Celing@wine2013年6月26日 下午12:25

    红磡有兩間新開食店,我試過,都幾好味。
    紅磡冰室 ( 新派茶記 ) 在明安街,
    蒼浪亭 ( 精細上海麺 )在蕪湖街,蕪湖居樓下
    [版主回覆07/19/2013 02:03:00]
    紅磡冰室我blacklist了!

    回覆刪除
  27. 好精彩, 介紹得好好呀.

    回覆刪除
  28. 新川、林記、韓點、三河屋,搵次帶我去!

    回覆刪除
  29. 謝謝分享! 可惜我好少出外食飯, 這區更加好少到啊!

    回覆刪除
  30. 這篇文章好精彩呢 ! 我都愛茶餐廳

    回覆刪除
  31. 三河屋咖喱!!!

    回覆刪除
  32. 域 流亦詩 Louis Rick2013年6月26日 下午1:34

    很久沒有到過經磡搵嘢食了。謝謝推介呀!

    回覆刪除
  33. 邦邦無論介紹歌曲抑或介紹美食,都係咁真心和詳細,真是知無不言,言無不盡。
    剛才去看過了”我是歌手”看後感,謝謝分享!
    [版主回覆07/19/2013 02:01:00]
    阿姨客氣了!

    回覆刪除
  34. 韓點看來不錯,請問其他分店在哪?
    [版主回覆07/19/2013 02:00:00]
    紅磡、元朗、荃灣、葵芳同銅鑼灣……

    回覆刪除
  35. 秋山女!:)2013年6月26日 下午2:17

    128 ! 我回來 開檔啦!

    回覆刪除
  36. 傻架~
    $128!!!!!!!!!!!!!
    邊到有人食....!!!!
    食既都係傻....haha

    回覆刪除
  37. Time is Changing, 午安. 最近比較多去黃埔, 一於睇住你的介紹去開飯先.週三過得輕鬆愉快喔.
    *(\_/)*.█▄█.█▀█.█▀█.█▀█.█▄█ ♫♫
    (≧◡≦)█▀█.█▀█.█▀▀.█▀▀.─█_¸¸.•*•♪ღ♪¸.•*¨

    回覆刪除
  38. 食拉麵依家都幾貴, 大部份都要成五十幾蚊碗呢

    回覆刪除
  39. hmmm…i miss fish balls sooo much...

    回覆刪除
  40. 吳獅皇(Assemby)2013年6月26日 下午3:05

    《愛情結晶(1)-初遇》是本人第4部的新作。與《獅皇俠傳奇》、《籃球戰記》和《少年偵探隊》並列在一起的作品。也是我傾了不少心血正在寫作中的作品。有空的話,歡迎到訪瀏覽,多多支持。祝大家週三在陽光普照下,心情依然開朗,生活愉快幸福。

    回覆刪除
  41. 午安!謝謝分享!....好介紹..

    回覆刪除
  42. 我去過荃灣韓點,最愛他們的韓式魚蛋串和什錦拌飯。

    回覆刪除
  43. 啤酒5公升咁型,用來洗澡呀!

    回覆刪除
  44. 下次經過都要試一下利源茶餐廳先得... 另外, 多謝您的到訪~

    回覆刪除
  45. 紅磡 我食最多係 時新漢堡包, 上海飽餃店 同 生記滷味 都榜上冇名啊啊啊啊啊啊啊啊~~~
    [版主回覆07/19/2013 01:56:00]
    Sir,上兩篇食評有!

    回覆刪除
  46. Time is Changing,火腿蛋飯都要$128...似乎唔岩數喎...太貴啦.不過我覺得香港食野比澳門還平,起碼香港飲茶有下午茶時候,所有點心都半價,澳門無囉 .謝謝您的分享!

    回覆刪除
  47. Have you ever try「$128黯然銷魂餐蛋飯」?
    [版主回覆07/19/2013 01:54:00]
    Sure not!

    回覆刪除
  48. 我也曾經在紅磡上班,(即近海皮那兒藍色玻璃酒店那幾座)
    差不多每天跟同事去豬骨煲飲茶,

    回覆刪除
  49. I love big big beer!

    回覆刪除
  50. 唔係下..128蚊食個餐蛋飯...
    仲要係酒店推出仲要講明係梅林牌喎...
    我點解唔番屋企食呢...

    回覆刪除
  51. 香港真係美食天堂!

    回覆刪除
  52. 你介紹呢D平民美食,最o岩我,不過,紅磡對我就遠左D.

    回覆刪除
  53. 你呀- - -真的狂......每頁都好用心。不如做blog man。我就唔得啦...要打機。自己和別人的名=
    20名多.....打極都做不完....一名內幾games。
    晚安...祝你健康又愉快

    回覆刪除
  54. 火腿孖腸雞扒飯.

    回覆刪除
  55. 我都有光顧爭鮮,三蚊貨仔算係咁, 我覺得ok可接受, 可惜沒有介苿附送
    [版主回覆07/19/2013 01:51:00]我有喎!

    回覆刪除
  56. 晚安...謝謝分享....祝快樂

    回覆刪除
  57. 紅磡食店無數,住附近認真有口福

    回覆刪除
  58. 合發is my favourite! went there all the time when i worked in hunghom!

    回覆刪除
  59. $128碟餐蛋飯真係痴閪缐!

    回覆刪除
  60. 貓貓已經好耐冇介紹美食喇!現在有介紹,好啊!
    [版主回覆07/19/2013 01:51:00]
    突然心血來潮!

    回覆刪除
  61. Domon 認真嘛嘛...

    回覆刪除
  62. 睇到,「$128黯然銷魂餐蛋飯」~~好誇張﹗我好喜歡吃燒賣魚蛋

    回覆刪除
  63. Good evening, Time is Changing!!!
    ...多年沒有到訪紅磡, 以上介紹令我懷念 "那些年" , 謝謝分享!!!
    ...http://www.youtube.com/watch?v=kRELFawTkeg
    港飲港食 - 京滬一品牛肉館【謝雪心】...

    回覆刪除
  64. 紅磡朱古力雞蛋仔無得輸!!

    回覆刪除
  65. Domon而家仲差過味千~~d侍應又串咀~~

    回覆刪除
  66. Pandora 香傭講法文2013年6月27日 上午1:47

    你會在家裡吃ma?
    [版主回覆07/19/2013 01:47:00]
    很少!我不是住家男,加上我大多數都是一個人在家!

    回覆刪除
  67. 寫得非常精彩的一篇介紹,謝謝!

    回覆刪除
  68. Happy if Yahoo HK blog works2013年6月27日 上午1:49

    東來居: 我煎的蛋肯定好看過你.
    吉列豬扒 (カツ) 是日本常食 (午餐) .我自己都有時廚 (材料好簡單, 最緊好有日本麵包糠); 日本咖喱 , SUPERMARKET 有得賣.
    不要除消這 BLOG , 巳 BOOKMARKED. 回港時靠這段 BLOG 再嘗試港式口味.
    [版主回覆07/19/2013 01:43:00]
    我一定不會除消這BLOG ,除非有天Yahoo Blog玩完!

    回覆刪除
  69. 謝謝分享!紅磡好多美食!
    「基本上呢間嘢嘅食物質素同服務態度就同佢哋老闆嘅心情一樣都係非常飄忽!
    好嘅時候可以好好!差嘅時候又可以好差!.....《合發茶餐廳》」:大上大落,多彩多姿!

    回覆刪除
  70. 細時都成日在紅磡覓食,不過只限黃埔一帶。

    回覆刪除
  71. 合發老闆真係咁串?

    回覆刪除
  72. 黃埔街聯記川王,全港最正的水煮酸辣粉,辣到仆街!
    [版主回覆07/19/2013 01:41:00]
    我不能吃太辣,皮膚病會太爆發!

    回覆刪除
  73. 好詳细嘅介绍,下次知到去邊揾食

    回覆刪除
  74. ice may may 雪美美、子格格2013年6月27日 上午9:44

    好介紹!

    回覆刪除
  75. 願所有收到這封信的朋友都能平安.健康.幸福..快樂在這裡

    回覆刪除
  76. 我很愛看有關吃喝ㄉ網誌
    尤其看到蝦之後 我都快流口水ㄌ

    回覆刪除
  77. 睇到小朋友都好想食。

    回覆刪除
  78. 有好多好嘢食啦~
    真好介紹呢~
    不過, 我好少去那邊的...
    美食當前, 等我看多幾眼先 ~^^~

    回覆刪除
  79. 仲話唔識寫食評?罰你飲罐巨啤!

    回覆刪除
  80. 個128餐蛋飯係真架,我以為係惡搞

    回覆刪除
  81. 嘩!中港日韓泰嘅美食都有介紹,好掂!

    回覆刪除
  82. 謝謝你的好解紹,得閒會去試下﹗

    回覆刪除
  83. 我很少去紅磡呢。。應該吃不到你介紹的這一些

    回覆刪除
  84. 見到快餐已經飽晒.....

    回覆刪除
  85. 雞蛋仔~~魚蛋~~燒賣~~腸粉~~壽司~~叉油雞~~好掛念你地ar~~~
    [版主回覆07/19/2013 01:38:00]
    你番來我請你食!

    回覆刪除
  86. 好介紹,正

    回覆刪除
  87. 紅磡都好多野食。

    回覆刪除
  88. 我發覺香港人好鍾意打邊爐, 鍾意的程度是約朋友都是打邊爐 (可能一星期打了三次), 而且夏天都打.
    [版主回覆07/19/2013 01:37:00]
    打邊爐易吹水,我聽日又去打了!

    回覆刪除
  89. 估唔到都有甘多好推薦嘅飲食店,極少有機會入紅磡(除佐轉站),但下次可以出站行一轉

    回覆刪除
  90. 好掛住香港嘅美食~~~

    回覆刪除
  91. 5公升啤酒???

    回覆刪除
  92. 巴打烏鴉口mode又開動#adore##adore##adore#餃子皇做到8月8號正式結業[sosad][sosad][sosad]
    [版主回覆07/19/2013 01:36:00]
    唉~唔係真係咁邪呀?

    回覆刪除
  93. 只論燒味既話東棧可以話冠絕九龍城區#yup##yup#yup屌你!油脾紅腸飯多色![bomb][bomb] 個老板講野仲好好笑[sosad][sosad][sosad]
    [版主回覆07/19/2013 01:31:00]
    我其實好少食燒味!

    回覆刪除
  94. bewteen,黃埔準備開南記:)

    回覆刪除
  95. 打邊爐和壽司好啱我喎!《爭鮮》都時常幫襯呀!

    回覆刪除
  96. 好介紹!我很少去紅磡....食在紅磡...謝謝分享!

    回覆刪除
  97. I love 雞蛋仔 & 格仔餅。。。^^。。。

    回覆刪除
  98. 老友您好:謝謝您的探訪婆婆,祝健康愉快。

    回覆刪除
  99. 每次回HK一定是去吃壽司,爭先是最好的選擇 [(big grin)]

    回覆刪除
  100. 只跟太太去過千本目居酒屋,感覺還不錯。
    [版主回覆07/18/2013 19:42:00]
    我吃日本料理大多數都是在油尖旺、太子、大埔和灣仔,呢間未試過,有機會試試。

    回覆刪除
  101. 好介紹!謝謝分享!

    回覆刪除
  102. 128元餐旦飯超揾笨!!!

    回覆刪除
  103. 三河屋好似好正咁。

    回覆刪除
  104. 食肆越來越貴, 老店買少見少了!
    最喜歡"爭鮮", 堂食也只是$8碟, 小黃隔個禮拜就會去幫趁
    正過乜"氣"物"長"都唔抵食!!

    回覆刪除
  105. 現在搵到平靚正的食肆好少喇, 多數都係去幫助交租和工資咁款啦!

    回覆刪除
  106. $128黯然銷魂餐蛋飯

    回覆刪除
  107. Time is Changing 好似做緊食家呀......
    紅磡估唔到咁多野食....(小晴係個好少出街既人黎...所以唔多熟......)
    不過小晴岩岩就食完爭鮮啦.....好味道.....
    第一次聽啤酒用一桶黎形容.....咁大桶飲都唔使食飯啦......
    [版主回覆07/18/2013 19:27:00]
    一次過飲實頭暈……

    回覆刪除
  108. 好多都係好街坊既野食,正~~

    回覆刪除
  109. 資料詳盡,好過睇「開飯喇」

    回覆刪除
  110. 假日愉快

    回覆刪除
  111. 桶巨啤呢度有得買?好想買黎收藏!
    [版主回覆07/18/2013 19:25:00]
    紅磡家興超級市場

    回覆刪除
  112. Time Is Changing 晚上好,
    民以食為天。

    回覆刪除
  113. 一休也聽說過 $128 的餐蛋飯, 真的很好味嗎 ? 感覺物有所值嗎 ?
    [版主回覆07/18/2013 19:24:00]我不會去試……

    回覆刪除
  114. 「爭鮮」的確係窮人恩物。

    回覆刪除
  115. 都係腸粉魚蛋好。

    回覆刪除
  116. 在紅磡食飯是大大便宜過灣仔!謝謝你的分享!

    回覆刪除
  117. 哈哈,紅磡食肆林立且便宜,似乎獨欠我至愛的車仔麵檔!
    [版主回覆07/18/2013 19:21:00]
    《食在紅磡》第一集有!

    回覆刪除
  118. 我反正想講下我既紅磡食市blacklist名單:
    美味佳,呃錢服務懶散出嘢慢,唔會再去!
    魚米家,同上,仲要好撚貴!
    時新,串過碼頭咕喱,慘過去乞食!
    紅磡冰室,根本老闆老闆娘仲係前身OK茶餐廳個兩個死仆街!
    [版主回覆07/18/2013 19:20:00]
    紅磡冰室有冇換老闆同老闆娘我唔知,但食物同員工質素就仍舊勁差,我試過等個早餐要等成25分鐘,都算經典!

    回覆刪除
  119. 午安你好謝謝你來探我, 祝福你萬事如意幸福快樂

    回覆刪除
  120. a full coverage of Hung Hom's yummy food!!!

    回覆刪除
  121. ¤*¨¨*¤.¸¸…¸.¤*¨¨*¤..¸¸…¸
    \¸.¤ ”老友祝你假日愉快呀“¤*¨*¤.
    .\¸.¤*¨¨*¤.¸¸.¸.¤*¨¨*¤..¸¸…¸
    ..\
    ☻/
    .▌
    / \
    老友time is changing,祝你在七.一回歸日愉快呀!
    謝謝詳盡的好介紹

    回覆刪除
  122. wow @@ mega sharing :D thx for sharing ^^
    $128 簡直係 crazy................

    回覆刪除
  123. 補祝你生日大快活呀...^^

    回覆刪除
  124. 媽咪雞蛋仔真是令我回味難忘。

    回覆刪除
  125. 合發, 小雲都幫襯過1次... 都ok嘅!~
    咦! 點解冇介紹倫記車仔麵嘅?... 喺紅磡好鬼出名架! 如果未試過去試吓丫 ~
    地址 : 紅磡民泰街68號

    回覆刪除
  126. 原來你做咗大食家

    回覆刪除
  127. 嘩, 食品食店好豐富, 冇得食都開! 5個like

    回覆刪除
  128. 嘩!!食咗咁多落肚??有無食咗一個月呀??
    [版主回覆07/18/2013 19:15:00]
    我在紅磡工作已經有三年了……

    回覆刪除
  129. 嘩!冇响果頭食過,真係好多野食啊!

    回覆刪除
  130. 開心又一天喔! Time Is Changing,你好! 生活愉快!

    回覆刪除
  131. 邦邦的blog無論介紹歌曲電影,抑或係食店的食物,都是那麼的詳盡不遺。

    回覆刪除
  132. 吳獅皇(Assemby)2013年7月4日 下午1:21

    朋友,午安。《籃球戰記(3)~「第一軍師」的智慧》,《2013年洲際國家盃王者之戰》和《愛情結晶(2)-羽毛球大戰》近日寫成了。當中有籃球題材的小說故事,足球題材的報道文章和愛情題材的小說,歡迎到訪瀏覽參觀。在此祝大家週四工作順利,生活開心愉快。

    回覆刪除
  133. 哈! 好似只有餃子皇有吃過外, 其他未. 不在紅磡住及上班嗎.

    回覆刪除
  134. 吳獅皇(Assemby)2013年7月5日 下午5:02

    朋友,午安。祝您週五愉快開心。

    回覆刪除
  135. 我好少去紅碪冇機會去食。

    回覆刪除
  136. 我只係記得有間雞煲既店...近黃埔花園~

    回覆刪除
  137. ☆¸.•°*”˜˜”*°•.¸☆ ★ ☆¸.•°*”˜˜”*°•.¸☆
    ╔╗╔╦══╦═╦═╦╗╔╗ ★ ★ ★
    ║╚╝║══║═║═║╚╝║ ☆¸.•°*”˜˜”*°•.¸☆
    ║╔╗║╔╗║╔╣╔╩╗╔╝ ★ sunday ☆
    ╚╝╚╩╝╚╩╝╚╝═╚╝ ¥☆★☆★☆¥ ★☆週日愉快~!☆★✾◕‿◕✾
    酷熱警告生效,户外活動要小心慎防中暑啊老友記 ;D

    回覆刪除
  138. MY █▄ϑ❤Ҽ 好朋友• 晚安喇喂*゚ [(party)]
    大家*¨`*週六幸福*¨`*週曰快樂*¨`*週一如意*¨`*
    週二吉祥*¨`*週三健康*¨`*週四愉快*¨`*週五福壽
    ♡┓┏┓♡━━┓┏━━┓┏━━┓┏┓┏┓
    ┃┗┛┃┃┏┓┃┃┏┓┃♡┏┓┃┃┃♡┃
    ┃┏┓┃┃┗┛┃┃┗┛┃┃┗┛┃┃┗┛┃
    ┃♡┃┃┃┏┓┃┃♡━┛┃┏━┛♡┓┏┛
    ┗┛┗┛┗┛┗┛┗┛  ♡┛   ♡┛
    █▄█.█▀█.█▀█.█▀█.█▄█ 過得輕鬆愉快每一天喔
    █▀█.█▀█.█▀▀.█▀▀.─█_¸•*•♪¸.•*¨ღ♪¸.•*¨♫¸.•*¨♫

    回覆刪除
  139. 可惜很少去紅磡!

    回覆刪除
  140. 仲未開飯呀大佬,睇完超肚餓 ,以前係香港都好少去紅磡

    回覆刪除
  141. $128 餐蛋飯, 好想去試

    回覆刪除
  142. 睇黎呢位小食神都好鐘意掃街喎 , 如果行開紅磡都會搵間試吓 , 多謝你的分享 !!

    回覆刪除
  143. 平係平, 但食物好似唔太吸引喎
    不過而家就算俾好貴價錢, 都隨時食屎, 可悲

    回覆刪除
  144. 真係唔明點解酒店D飯可以咁貴~~
    我就唔信佢D餐肉特別好食!

    回覆刪除
  145. 紅磡有間景霖米線幾好味,但鋪頭由細鋪變了大鋪..仲係同一條細橫街內(係間上海食店隔離)....但每次去紅磡我都會幫親..
    佢勁到旺角同佐敦都開埋分店,但我覺得紅磡至好味!!!

    回覆刪除
  146. 狂小子,聽完beyond,有啲肚餓添,來這裡啱哂!!

    回覆刪除
  147. 我會花29元,爲了特別去看看這位:
    女嘅就黑口黑面,冇水洗面,十足翻版元秋一樣!哈哈~真係好鬼有包租公包租婆feel!

    回覆刪除
  148. 因為有機會去紅磡,特別來參考一下食店資料。多謝這些飲食心得!

    回覆刪除
  149. 0[]0 食野篇...
    見到封面...以爲你食左128餐蛋飯XD

    回覆刪除
  150. 嘩!很豐富的茶餐廳大檢閱。

    回覆刪除
  151. 札幌拉麵的確把鬼,吃完真想大叫回水。

    回覆刪除
  152. 以爲紅磡最出名嘅係長生店,估唔到有咁多平靚正嘅食店,果然有辣有唔辣,任君選擇
    還有《爭鮮》外帶壽司喎!唔知遲啲會唔會開多間《孔后》囘魂壽司呢
    謝謝Time Is Changing的詳盡介紹
    [版主回覆07/29/2013 10:19:00]
    I love your blog logo so much!

    回覆刪除
  153. 紅磡人,握握手先!

    回覆刪除
  154. 唔講唔知,原來紅磡咁多正野食!等我通知住在黃埔既檳城朋友先至得。 多謝分享!

    回覆刪除
  155. 這篇食評很多樣化
    而且照顧到上班一族

    回覆刪除