2011年1月19日星期三

2010回顧(電影篇 2)

因工作關係,本人可謂看盡好爛電影……

2010年我心目中的爛片二十大(排名不分先後)
惡胎
滅門
財神到
越光寶盒
翡翠明珠
唐吉可德
未來警察
 
全城戒備
出水芙蓉
美麗密令
婚前試愛
 
撕票風雲
借室還魂
 
殭屍新戰士
精武風雲.陳真
花田喜事2010
唐伯虎點秋香2之四大才子
前妻拘捕令Bounty Hunter
吸血新世紀3月蝕傳奇The Twilight SagaEclipse
波西傑克森:神火之賊(Percy Jackson & the OlympiansThe Lightning Thief)

2010年我心目中的各項最爛選擇 

最爛男主角
羅仲謙(婚前試愛)
林峰(翡翠明珠)
譚詠麟(財神到)
吳建豪(借室還魂)
黃曉明(唐伯虎點秋香II之四大才子)


後記 :
羅仲謙嘅每一個動作、表情同埋講嘢嘅語氣,
真係仲硬過佢嗰兩塊胸肌同六舊腹肌……
不過唔緊要,佢生得靚仔又健碩,
所以無論佢演得有幾差,相信班妹妹仔一樣都會照單全收。
至於同樣靚仔到爆炸嘅亞太區著名演員林峰
唔知係咪因為個頭盔太重,以致做戲嗰陣表情就毫無變化。

女主角
周秀娜(婚前試愛)
周秀娜(殭屍新戰士)
鍾欣桐(出水芙蓉)
廖碧兒(滅門)
衛蘭(為你鍾情)
 

後記 :
周秀娜喺《婚前試愛》入面,演出最落力只有喺床戲部分,其餘時間就一概放空到底!
當中最難頂嘅,都莫過於係佢講對白嗰陣D懶音就多過乜,講嘢又黏埋一舊舊,
有時唔睇字幕,實在唔知佢究竟喺度噏緊咩?同埋有樣嘢我真係覺得好奇怪……
就係點解小姐每次做戲對眼都總係咁鍾意長期向下望嘅呢?喂!娜姐!乜個地下有稿咩?

男配
陸毅(綫人
周杰倫(蘇乞兒)
黎諾懿(惡胎)
鄧健泓(分手說愛你)
黃百鳴(花田喜事2010)
 

後記 :
我真係唔明白,陸毅喺《綫人》入面個角色設定明明係一個殺人唔眨眼嘅冷血悍匪,
但唔知點解阿陸毅哥哥每次出場嗰陣,都總係會用一種風度翩翩嘅態度,
就好似一個model行Catwalk咁走出嚟,記得我曾經睇過一篇影評,裡面有一句嘢確係寫得好鬼中!
陸毅這樣一個陽光大男孩形象的人,做這種事,
這就好比叫劉德華去演東星的烏鴉一樣,根本就不是那個味。」


女配
羅凱珊(人間喜劇)
楊梓瑤(婚前試愛)
容祖兒(翡翠明珠)
鄧麗欣(72家租客)
鍾嘉欣(72家租客)


後記 :
羅凱珊喺《人間喜劇》裡面接近零演技嘅攞命演出,
不禁就令我諗起一位浮沉多年嘅女藝人……
佢就係同樣係model出身嘅「零演技派」李彩華
 

新演員
楊梓瑤(婚前試愛)
陳嘉寶(婚前試愛)
田亮(出水芙蓉)
衛蘭(為你鍾情)
裴殷(殭屍新戰士)


後記 :
呢位浸大咪神,做戲仲衰過小學生做話劇。
 

編劇
葉念琛(婚前試愛)
羅守耀(殭屍新戰士)
黃子恆(花田喜事2010)
王博、鄭子滔(借室還魂)
陳木勝、林志明、劉尚然(全城戒備)


後記 :
葉念琛呢位肥哥哥,拍戲永遠都只係得一條formula,
難得嘅係,時下D小朋友就當正佢D戲好似命理書咁睇,
個個有樣學樣,仲睇得津津有味!
乜嘢「愛一個人就要先hurt佢」?
你度完句對白自己會唔會面紅㗎?濫交就濫交啦!出軌就係出軌!
要出軌,使X理佢婚前婚後咩?搵戲嚟做!
明明係濫交……
又要夾硬將佢包裝成敢愛敢恨,哥你實在係一條太監騎馬嘅愛情理論家!
講真,我都年輕過,我都錯過,但有時候,真係唔好將D歪理當做真理囉!
就係因為哥你呢D嚴重歪曲愛情觀嘅垃圾片,搞到而家D細路個個都變Q晒腦殘新一族,
老實講,睇你一部戲,分分鐘仲大鑊過睇十套古惑仔呀!
喺呢度,本人奉勸各位一句:
 睇之前唔該停一停,諗一諗,葉念琛作品,教X壞女人!

導演
陳木勝(全城戒備)
王晶(未來警察)
葉念琛(婚前試愛)
羅守耀(殭屍新戰士)
劉偉強(精武風雲.陳真)
 

後記 :
一個兩屆金馬影帝、一個金馬影后,
再加多一個金像獎最佳男配角,號稱投資1億港元……
陳木勝以燒鵝嘅價錢,竟然可以將一部大製作拍出蔗渣嘅味道。
 

電影 

全城戒備
我的2010經已一一回顧完畢,希望所有Blog友在2011年各方面都一切安好,萬事如意。

72 則留言:

  1. 2010 d電影真係麻麻!

    回覆刪除
  2. 早晨啦!TIC!=]
    唔係講笑,以上我一套都冇睇過!

    回覆刪除
  3. 五星下的三星2011年1月19日 上午9:37

    近年少入場睇戲,都係等收費電視播先睇番。

    不過在街上見「婚前試愛」的廣告就真係不知所謂,
    如你所言歪理當真理,最慘每一代都有年輕人係唔用腦,傳媒講乜就當真,
    到頭來一大堆亂七八糟的男女關係,又要生要死都唔知向邊個追究。
    [版主回覆01/26/2011 01:14:00]
    年輕人自己也要對負責任的!~
    畢竟人是有腦袋的!~

    回覆刪除
  4. 通常這些最爛的電影, 假以時日就會在週末電視台度播!!

    回覆刪除
  5. 去年的港產爛片中,我認為還有一部《鎗王之王》,就是因為爾冬陞,
    卻無法想像他會拍出比《鎗王》更爛的劣作,過長之餘節奏過慢,劇本欠張力,
    演員又沒表現(吳彥祖已算是全片中較好的一位,但奈何角色本身欠發揮;
    古天樂更演不到角色之神髓)。坦白說,去年最爛導演,
    除了劉偉強(《精武風雲, 陳真》)外,另我會投爾冬陞一票,
    真的不能原諒,甚至真的覺得他的作品是越來越差。

    另外,我從不會看無綫出品的電影,完全對其質素非常有保留。
    [版主回覆01/26/2011 01:12:00]
    有機會真的要看看《鎗王之王》才行!~

    回覆刪除
  6. 我好鍾意珍妮花,之前她豁出去拍<出軌>真令人挖眼相看!
    估不到她會選爛片來拍!<前妻拘捕令>真是傷了影迷心!

    回覆刪除
  7. 唉....老老實實, 當小弟看過葉念琛部份"大作"後,
    感覺真係教壞新一代, 仲覺得呢D野係理所當然, 扭曲哂個價值觀,
    最仆街係仲有投資者肯俾佢拍"婚前試愛", 黐X線既.... @@
    呢篇看得搖頭嘆息係, 入選作中港合作投資的"港產片"佔不少席位,
    而"未來警察"個造型,第一眼看畢以為賣緊AOD 32防毒軟件......=.=

    回覆刪除
  8. 財神到比起左麟右李之我愛醫家人已經好好多啦
    雖然都係爛 不過金馬倫而家拍戲都係玩票性質
    老早就無心戀戰 次次演出都求求其其得過且過
    難怪票房會一路仆直 真係好懷念以前認真拍戲既倫倫

    至尊無上 雙城故事 愛的逃兵 陰陽錯
    [版主回覆01/26/2011 01:11:00]
    仲有君子好逑都正!~

    回覆刪除
  9. 葉念琛電影《孽念太深》
    橫掃奧斯卡15獎

    港人導演葉念琛進軍美國荷里活多年,終於獲得了美國電影業的最高榮譽肯定,他 執導的電影《孽念太深》在香港時間昨日凌晨舉辦的第101屆奧斯卡金像獎頒獎典禮中橫掃15個獎項,當中包括最佳電影、最佳導演、最佳男女主角等各項大 獎。片中主角方力申和鄧麗欣盛裝結伴出席頒獎禮,當鄧麗欣被問及她所穿的晚裝時說:「Em... This is er... er... Vivien Westwood, so er... I'm... er... very happy. Thery're er... er... er... give me that dress from England.」而鄧麗欣獲頒最佳女主角時只說一句:「I am very thanks them.」便匆匆下台,可見她雖曾說苦練英文,其英語程度仍遠低水平。
    影評人石琪對於《孽念太深》橫掃奧斯卡15大獎不感驚訝,認為該片故事精采,拍攝手法及演員演技俱佳,得獎是意料中事,石琪更說:「唔睇就弱智!」可見他給予這部電影高度的評價。
    《孽念太深》以一對由方力申及鄧麗欣飾演的情侶所經歷的多角錯愛關係為題,用寫實方法描述廿一世紀二十年代的現代男女關係。

    回覆刪除
  10. 1.男/女偷食
    2.同床異夢
    3.懶黑暗既sad ending

    葉念琛個撚樣成撚日扮有料,次次拍親個結尾都懶有feel :o)
    垃圾戲,睇咸片我去睇3D肉蒲團啦

    回覆刪除
  11. 後記 :
    一個兩屆金馬影帝、一個金馬影后,
    再加多一個金像獎最佳男配角,號稱投資1億港元……
    陳木勝以燒鵝嘅價錢,竟然可以將一部大製作拍出蔗渣嘅味道。

    [sosad] [sosad] [sosad] [sosad] [sosad] [sosad] [sosad]

    套戲本身已經好麻麻, 最大鑊係爛尾[sosad]

    回覆刪除
  12. 冇自信的才不敢正視目標。
    或者看看身形有沒有走樣------
    [版主回覆01/26/2011 01:09:00]
    一定係後者啦!~人地信心爆哂燈啦!~

    回覆刪除
  13. 冇龍鳳店?爛到爆wor~~~
    最爛女主角就一定係大S la~~連台灣個邊都封佢做爛片女王~~~
    [版主回覆01/26/2011 01:08:00]
    大S成日選錯劇本姐...
    我覺得她的演技一向還算可以的!~

    回覆刪除
  14. 竟然冇The King of Fighters?@@
    [版主回覆01/26/2011 01:07:00]
    沒有看....套戲根本連上都上唔到.........

    回覆刪除
  15. 我喜歡這篇回顧多過上一篇!
    看完你的 review,令我很想看看「婚前試愛」究竟有幾爛!

    回覆刪除
  16. 精武風雲.陳真
    睇親甄子丹做文戲我就想死la..D文戲又無聊到pk!
    開場陳真扮超人玩機關槍掃射我就已經想笑死..
    最後仲1 VS 100,你呃鬼食豆腐咩劉奶強??

    回覆刪除
  17. Edin Dzeko、Romelu Lukaku、本田圭佑、Van Bommel、Ricky van Wolfswinkel、
    Sylvain Marveaux、Adebayor、Mertesacker、Elia、Emanuelson、Alvaro Negredo、
    Stewart Downing、Charlie Adam、Fabio Coentrao、Ashley Young、Luis Suarez...

    唉!傳足十幾個,最後可能冇個肯過黎..
    [版主回覆01/26/2011 01:06:00]
    仲要走埋HOLLAND關楚耀(Babel仔)..........

    回覆刪除
  18. The Twilight Saga 系列一向爛, 男主角涂得白白, 拼命皺眉,
    表示自己很痛苦吸引女仔, 戲沒劇情演員又沒演技,
    戲中醜人居多...不知何故會那麼多人愛...

    至於葉大導...他次次推出新片我也想看看, 冷一冷當另類娛樂,
    不過當然不會到戲院貼錢買難受. 婚前試愛沒有令我失望,
    他那些把偷食合理化的橋段, 和他之前的經典一脈相承,
    愛來愛去都是叫人不負責任, 有權利無義務, 重覆又重覆,
    叫人毛骨悚然, 只有智商很平凡的人, 才會欣賞和相信.

    完全忍受不了這兩部爛片, 不過有人喜歡就隨他去吧.
    這樣的戲多人看反映部分人欣賞電影的素養低落.
    引用某作家一句: "唔同你班契弟混吉!"
    [版主回覆01/26/2011 01:04:00]
    The Twilight Saga給了某些愛幻想的女性一個空間.......

    葉大導...我也不想多說了!~只能說....我跟不上時代吧!~

    別人的選擇我無權控制,我也只是寫出自己的感受而已.....
    但真的...."我都唔同你班契弟混吉!~"

    回覆刪除
  19. 我都畫新畫更新了BLOG呀...來SEESEE啦~
    [版主回覆01/26/2011 00:53:00]
    sure!~

    回覆刪除
  20. 想不到李彩樺都有接班人,
    還記得當年九龍冰室內李小姐的一句「我頂呃!」
    引來全院觀眾強烈反應,至今未忘。
    [版主回覆01/26/2011 00:53:00]
    我頂呃!XDXDXD~

    回覆刪除
  21. 昨晚終於看了張大導.....
    嗚嗚嗚....前後共喊了5次...

    回覆刪除
  22. ...其實片首既.....未來世界...
    車在天際飛的情景勁似多年前的荷李活片
    [版主回覆01/26/2011 00:52:00]
    沒有看過......

    回覆刪除
  23. 鐵甲再生人

    回覆刪除
  24. ...雖然娜姐被封為最爛演員...不過人地日前拍心口講明...
    如該片拍續集搵返佢當女主角的話...佢保證會....露毛...喎.....
    [版主回覆01/26/2011 00:52:00]
    梗係啦!~佢唯一功能響呢個亂世可以幫佢賺大生意!~XDXDXD~

    回覆刪除
  25. 我睇了一部片是改編自同名小說的...
    而故事跟系列很似...
    是( Tuck Everlasting)...
    片中的男、女主角都好有靈氣、樣子清秀....而且演得很自然不造作...
    但我上網發現好多人將佢地來跟吸升新世紀中的個對男女比較...
    而將Tuck Everlasting的演員踐踏得很不公平~
    其實商台的「一台好戲」早已批評過吸血新世紀的女角做戲不掂...
    來來去去都係個幾款表情....
    我重睇呢位女角當童星時跟朱迪科士打拍過的懸疑片...佢都係呢0的表情...
    [版主回覆01/26/2011 00:49:00]
    吸血新世紀今年入圍了金草莓多個獎項.........

    回覆刪除
  26. 早晨! 你好嗎? 謝謝分享!

    回覆刪除
  27. 謝謝你的分享 ~

    回覆刪除
  28. 練老板,係咪玩野???2011年1月20日 下午2:38

    thanx for visiting my blog

    回覆刪除
  29. 周秀娜最叻就係露ball

    回覆刪除
  30. 你講廢人孽念深個PART完全講中哂我既心聲,唔使我再多講啦
    但係我真係好想知其實呢d片可以點撚樣拍?根本冇一個識做戲
    呢d爛片唔洗錢我都唔會去睇,簡直就浪費時間同金錢

    我見樓下有人講起鎗王之王,我覺得呢套野真係爾冬陞近十年最差作品,
    淨係見古天樂講Are you ready個度己經呆左,D演技同哥哥差幾廿皮
    仲有,阿SA個角色又係超煩
    [版主回覆01/26/2011 00:46:00]
    我無看過鎗王之王,套戲上果陣我休緊長假..........

    回覆刪除
  31. Good! 其實廿套電影中我有一半睇過,haha。

    回覆刪除
  32. 練老板,係咪玩野???2011年1月20日 下午9:19

    哈哈,精彩的最爛回顧!
    看那麼多電影 ,你也是電影工作者嗎?
    [版主回覆01/26/2011 00:45:00]
    我只是一名爛鬼放映員...

    回覆刪除
  33. 好彩我淨係睇咗percy jackson (不過太差啫...)
    你鬧葉念琛鬧得真係好!!!!!

    回覆刪除
  34. Time is Changing , how are you !

    首先, 多謝你的關心和鼓勵!

    然後, 謝謝你這些生動、幽默、一針見血和獨特的2010
    香港藝術、文化、音樂及電影回顧 !

    但似乎未有電視廣播及電台節目的大事回顧...
    [版主回覆01/26/2011 00:44:00]
    我很少看電視,極少聽電台節目........

    回覆刪除
  35. 冇全球鬧爆嘅天凶之城(Skyline)?我覺得呢套係上年度最廢爛片,
    [版主回覆01/26/2011 00:43:00]
    我公司無上呀!~

    回覆刪除
  36. 你好衰!!因次次睇你篇野都會笑
    大舊謙好心佢去箍箍棚牙

    回覆刪除
  37. 多謝您的分享﹗我冇睇《婚前試愛》因為一聽到女主角個名就no la﹗

    回覆刪除
  38. 你所選的TOP 20,我一套都沒有看過。

    回覆刪除
  39. 周杰倫還是好好寫歌好了...

    回覆刪除
  40. 熱烈恭賀周獸拿梅開二度!!當選最爛演員/歌手大獎!!

    回覆刪除
  41. 今年無睇過電影

    回覆刪除
  42. ღ* Q u E E n i e *ღ2011年1月21日 下午8:58

    多謝分享呀!!!

    回覆刪除
  43. 百份百同意你所講!! 呢堆垃圾我都不幸睇晒!!!!
    我問咗幾千次,拍啲咁嘅戲,連大陸同胞都會鬧爆啦.
    根本就係故意嘅,洗黑錢、報大數、唔賣坐...先係目的.
    吳建豪(借室還魂),佢個樣得人驚過啲鬼成千倍.
    仲不停比大頭我睇,真係無陰公呀!!!!
    [版主回覆01/26/2011 00:40:00]
    吳建豪都係拍拍硬照好了..........

    回覆刪除
  44. 全城戒備果然真係要全城戒備

    回覆刪除
  45. 你講得好啱,靚仔真係大哂!生得靚仔就算乜都唔識,
    都可以有女有錢有車有fans,呢個世界就係咁唔公平...
    [版主回覆01/26/2011 00:39:00]
    人比人,比X死人..........

    回覆刪除
  46. ..你個 BLOG 的 BLOG友名單有冇出事呀...
    好多人係小編輯既BLOG 到投訴冇晒 BLOG 友名單...
    攪到人人留言都要打驗證碼...
    我都係呀...咁落去冇晒人留言架喇...

    點鮮我係你度都要打驗證碼架....
    [版主回覆01/26/2011 00:39:00]
    無事啦而家!~

    回覆刪除
  47. 葉念琛大導演教壞子孫...

    回覆刪除
  48. 陸毅都係番大陸做番白臉小生啦!

    回覆刪除
  49. 真係好爛啊.........

    回覆刪除
  50. 這篇很精彩。

    回覆刪除
  51. 祖兒同克勤一樣,唱歌就一流,演技就幼稚園水平.

    回覆刪除
  52. 3-0
    PASS AND MOVE!WELL DONE!
    [版主回覆01/26/2011 00:37:00]
    簽埋哨牙仔就好!~

    回覆刪除
  53. 葉念琛 - I have never seen his works and of course I totally disagree that
    愛一個人就要先 hurt 佢 - Simply crazy! He is notorious for his evil messages...
    [版主回覆01/26/2011 00:36:00]
    肥哥哥可能係心理唔平衡......

    回覆刪除
  54. 鍾嘉欣演技真係好差!哭同笑都係一個樣...

    回覆刪除
  55. The Bounty Hunter is bad。。

    回覆刪除
  56. 「睇之前唔該……停一停,諗一諗!葉念琛作品,教X壞女人。」
    200% 認同 ~

    回覆刪除
  57. 嘩哈哈…我一套都未看過,應該可以說好彩吧!
    [版主回覆01/26/2011 00:34:00]
    恭喜!~

    回覆刪除
  58. 裴殷(A.Lin)唔係新人啦!之前拍過洪卓立同詩雅套很想和你在一起...
    [版主回覆01/26/2011 00:34:00]
    沒有看過.......

    回覆刪除
  59. 周秀娜樣唔得把聲唔得做戲唔得唱歌唔得,但係副偈好Q得

    回覆刪除
  60. Hi Time Is Changing,

    活活好少睇戲,莫講話果D連面部表情都無能力控制既所謂演員既戲,
    就連古天樂之類,差得黎都叫有個樣睇下既,我都無興趣睇,
    因為聽歌同睇戲一樣,一定要感動到我既我先至會行動。
    近年只有一部,就係唐山大地震。

    我足足喊咗半套戲時間,完全收唔到聲。
    第一次睇係星期六下午,在公司睇,喊到個個走黎問我咩事…
    [版主回覆02/06/2011 05:37:00]
    活活,我已經好耐無試過睇戲喊啦.....
    對上一次....應該係日本片........

    回覆刪除
  61. 練老板,係咪玩野???2011年1月26日 上午9:27

    哇!原來是星光伴我心的真人版!

    回覆刪除
  62. 王晶條友之前又話一個雞模都唔會用,但係而家就用哂兩個
    [版主回覆02/06/2011 05:32:00]
    王晶都話自己從來唔碰女星........
    我信架....我信架........

    回覆刪除
  63. 日子過得很快 又到兔年來臨了.
    恭祝你身體健康, 事事如意!

    回覆刪除
  64. 早晨,TIC!=]
    送上我親手做的蘿蔔糕,祝你兔年步步高陞,身體健康唷!

    回覆刪除
  65. 年廿八,洗邋遢,洗完邋遢年年發!

    回覆刪除
  66. 頭先睇最強喜事..超垃圾!!劉嘉玲同甄子丹好嘔..
    [版主回覆02/06/2011 05:30:00]
    炒冷飯王黃百鳴仲嘔.......

    回覆刪除
  67. "因工作關係" <<< 你係影評人??
    [版主回覆02/06/2011 05:30:00]
    No!~我只是一個爛鬼放映佬!~

    回覆刪除
  68. 金像獎女主角提名名單

    最佳女主角提名獎獲得者包括主演《分手說愛你》(Break Up Club)的薛凱琪(Fiona Sit)、
    《月滿軒尼詩》的湯唯、《志明與春嬌》(Love in a Puff)的楊千口(Miriam Yeung)、
    《狄仁傑之通天帝國》的劉嘉玲以及《維多利亞一號》(Dream Home)的何超儀(Josie Ho)。

    狂小子你點睇?我覺得呢個名單真係離撚哂譜
    [版主回覆02/13/2011 02:18:00]
    無論最後那個得獎,也是影壇大笑話..........

    回覆刪除
  69. Hi Time Is Changing,

    被偷聽的人?好,等我搵黎睇下先。

    活活

    回覆刪除