2013年7月24日星期三

《史上最強之天南地北擺明居馬長篇大論亂噏一通》

各位哥哥姐姐,遠近馳名嘅口水佬又要嚟講故喇!大家快啲閃呀!
呵呵~呢個月嘅生日飯好似食極都食唔完咁,簡直係飽到黐肺!
喺呢度,再一次感謝晒咁多位請飲請食請玩請唱嘅兄弟姊妹!
我最愛嘅壽司大餐,勁豐富,超好味,多謝琪姐!
多謝晒我嘅好兄弟華Dee,呢間打冷的確係超正!
尤其係店入面嘅招牌芥辣墨魚片,真係好食到停唔到口!
所有喜歡打冷嘅朋友,請你哋好好認住呢間嘢!信我!認真係一級棒㗎!
 一班麻甩佬聚埋一齊最好去邊?咁就梗係齊齊去滾啦!
呢間位於旺角好景商場隔離嘅《厚福海鮮酒家》啲嘢確實係超級抵食,
$1一個蜑家雞/豬骨鍋、$38一客新鮮嘅三文魚刺身、$20一支大青島,
咁都唔只,到夜晚九點後入座大部分火鍋配料仲一律六折㖭!


有好嘢當然要同多啲老友分享啦!
同我兩位好兄弟輝哥同文鋒老弟滾完之後,
前幾日我又約埋幾位多年老友嚟《厚福》再滾過,
當晩,我哋開懷暢飲,談天說地,直頭係快活過神仙! 
講開食嘢,最近公司附近又開咗一間新茶記,
呢間茶記
嘅早餐好鬼特別,無論早午晚都印住「全日供應」,
嗱~呢啲老闆咪識做生意囉!下下墨守成規,遲早就聽執笠!
本人近日瘋狂迷上嘅零食新寵,大大包份量又多,可以當零食又可以當早餐。
講完食經,又講吓波經,近嚟關於阿蘇轉會離隊嘅傳聞可謂眾說紛紜,
而阿蘇多次接受傳媒訪問所講嘅嘢,亦引嚟部分球迷嘅謾罵同批評,
我唔知其他球迷點諗啦!個人就始終認為……只要阿蘇一日仲係利記嘅人,
一眾球迷就應該要一致對外,停止紛爭,咁先至係真正嘅YNWA精神呀嘛! 


喺現階段,作為利迷最需要做嘅,就係畀啲耐性等羅渣士慢慢重組球隊,
至於阿蘇去留與否真係關我Q事咩?須知道呢個世界冇話冇咗邊個係唔得嘅!
更何況只係一支球隊,再講呀!既然做得利迷,你嘅抗壓能力就一定要比其他球迷高,
喺英超成立以嚟,利物浦一直大起大落,佢哋拎過三冠,拎過歐聯,
同時又試過瀕臨降班邊緣、星散,仲曾經面臨破產危機㖭!
所以話呢~就算最後隊波堅係冇咗蘇亞雷斯咁又點啫?
記得贏歐聯嗰年利記前面咪又係一個星級前鋒都冇!


In response to Arsenal's latest bid,Henry tweeted:
「What do you think they're smoking over there at Emirates?」

喂~雲膠!收到未呀?叫你唔好成日high大咗咁亂鳩咁噏呀!
搞搞震冇幫襯,係咪想做搞屎棍呀?唔係就麻煩你快啲過主啦!

嚟到新一個球季,利物浦一口氣簽咗多位新球員,而喺咁多位新兵當中,
我最期待嘅就係「比利時新一代門神」米勞列同埋「新9號仔」艾斯柏斯。
老將方面,買嚟頂替副隊長加歷査嘅前曼城中堅高路托尼喺熱身賽亦都有相當不俗嘅表現。
艾加同盧卡斯,最後邊個會頂上利記新副隊長呢個位置呢?
我自己就肯定撐硬艾加!點解?貪佢夠型夠雷夠響又夠霸氣囉!
嘩~你呢個古天奴呀~正宗係一場勁過一場!
睇嚟呢位巴西小將如無意外應該好快會成為晏菲路嘅新一代寵兒,我拭目以待。
唉~你話你個人呀!當日你有人唔做走去做狗都算㗎啦!
而家你仲要幫份白粉報寫專欄?計我話,你呢條友仔真係豬狗不如,人神共憤呀!
喺呢個7月,我又重新迷上電影,仲一口氣睇咗好多部猛片㖭……
前幾日喺公司睇咗由PIXAR製作,Disney發行嘅《怪獸大學》,
冇諗過套嘢又幾好睇喎!特別係王祖藍同張繼聰嘅配音,確係夠晒鬼馬!
《怪獸大學》所講述嘅其實係前作《怪獸公司》嘅前傳故事,
佢主要係交代返大眼仔同毛毛喺大學時期所發生嘅事,以及同大奸角藍道嘅交惡經過。
唔講你唔知,毛毛同大眼仔呢對最佳拍檔,原來曾經係一對貼錯門神嘅死對頭,
而狡猾自私嘅藍道,以前居然係一個性格溫和、待人親切嘅好學生,
而且仲同大眼仔做過室友㖭!實在係unbelievable呀!
若只論娛樂性,《怪獸大學》節奏明快,笑料豐富,都算得上係合格有餘,
但係以整體嚟講,就依然係前作《怪獸公司》比較出色。
呢套名叫《Dead Man Down》嘅西片(香港呢邊譯做《與敵同仇》),
係原版《龍紋身的女孩》導演Niels Arden Oplev花咗六年時間去完成嘅新作,
套嘢開頭嗰30分鐘都算係拍得唔錯㗎!劇情緊湊得嚟佈局又幾有心思,
只係去到後來就有少少虎頭蛇尾趕收工嘅feel,
而睇到尾段男主角突變Rambo橫掃千軍一幕更加係令人啼笑皆非。
既然套戲咁鬼平平無奇,咁點解我又會眼都唔眨坐定定繼續睇落去呢?
哈哈~冇計啦!鬼叫佢搵咗我新一代女神Noomi Rapace做女主角咩?
不過講開又講,自從我女神憑住《龍紋身的女孩》一片爆紅過後……
班仆街導演就經常無厘啦更安排外型硬朗嘅佢去做一啲弱不禁風嘅花瓶角色,
而今次佢喺《與敵同仇》入面仲要畀人整鳩爛埋塊面,真係屌你老味呀!
睇完Quentin Tarantino嘅新作《黑殺令》之後……
我對呢位鬼才導演嘅欽敬就有如滔滔江水連綿不絕,又有如黃河氾濫一發不可收拾!
坦白講,一個咁癲咁喪咁瘋狂嘅Leonardo DiCaprio,我真係從來都冇見過!
好多朋友同blog友都先後推介我去睇嘅《誣網》,果然係一部極之出色嘅好電影,
喺戲入面,天才童星Annika Wedderkopp超齡嘅表現都稱得上係技驚四座,
嗰種複雜嘅眼神加上深層嘅內心演技,係唔可能出現喺一個咁細嘅細路女身上。
世人總認為「童言」同「無忌」必定係掛勾嘅,人人都深信小朋友一定係天真無邪,
但喺《誣網》之中,呢種無邪嘅特質卻充當整部電影當中最巨大嘅邪惡軸心,
小妹妹Klara萬料唔到自己因為一時之氣、由愛生恨而射出嚟嘅呢一支「無心箭」,
其殺傷力竟然係可以大到幾何級數咁勁揪,仲幾乎摧毀咗男主角Lucas嘅一生。
「你哋在座有邊個認為自己唔係一個仆街,就攞起嚿石頭掟呢個仆街啦!」
黃子華喺佢嘅棟篤笑《無炭用》裡面曾經講過。
男主角Lucas喺事件發生後畀人一沉百踩,又受到一眾隔離鄰舍唾棄,
除咗畀人打、吐口水同禁入超巿之外,連最心愛嘅寵物都跟住佢無辜受害,
當睇到Lucas嘅狗狗被殺,一股難過沉重嘅心情隨即湧上心頭。
呢班自以為是嘅「道德判官」表面上就滿口正義,實則上就個個都「心中無鏡」,
人人都想明哲保身,又想身處道德高地,真相係點?喺佢哋心目中根本就一啲都唔重要。
正所謂「明刀易擋,暗箭難防」,喺片尾嘅「Last Shot」証明咗一個道理,
就係「賴屎容易抺屎難」,呢件事到最後不論誰是誰非,
喺所有人嘅心入面,都留低咗一個「不能磨滅的烙印」。
男主角酷愛打獵、食鹿肉,最終卻成為眾人狩獵嘅一頭獵物……
呢啲到底係因果報應、天理循環?定抑或係冥冥中自有主宰?
只可以講,呢齣戲留畀觀眾思考同反思嘅空間確實係太多。
此外,《誣網》嘅劇情亦令我諗起《聖訴》同《愛.誘.罪》呢兩套電影,
但前者嘅描述手法同探討嘅角度就同後兩者有啲分別。
《聖訴》同《愛.誘.罪》所表達嘅大多數都係集中喺誣告人嘅矛盾、掙扎同悔疚上面,
而《誣網》所呈現嘅就係被誣告人嘅遭遇、心路歷程同埋現實社會嘅「眾生相」。
《一代宗師》令我知道,原來王家衛都可以拍出一部好商業嘅武打電影,
雖然全片依然充斥住好多好玄嘅精警對白,但對比起以往嘅王氏作品就明顯簡單易明得多。
有一篇影評寫得好啱,佢話《一代宗師》呢套戲想帶出嚟嘅係「一代宗師」呢個概念,
而唔係一部純粹嘅武打片或者係描寫葉問嘅傳記電影,正因為咁
……
大家喺片度就唔會見到葉問大戰日本仔,亦唔會見到「我要打十個」等熱血場面,
但係黑超王呢種淡淡然嘅拍攝手法,反而就帶到一份自然又舒服嘅感覺畀我。
相比起葉偉信,王家衛顯然就比較著重意境多過武打場面,
開場嘅雨中打鬥、葉問喺金樓大戰各大高手、中段同宮寶森嘅玩餅遊戲……
仲有結尾宮二同
宮寶森大弟子馬三喺火車站嘅終極決戰,
一幕幕精彩嘅武打片段都極具意思,並唔係純粹拳來拳往嘅激烈互鬥。
「我們相識多年,卻從未相知。」呢陣輕輕吹來嘅漣漪,真係令人痛不欲生……
「葉先生,說句真心話,我心裡有過你。
我把這話告訴你也沒什麼喜歡人不犯法,可我也只能到喜歡為止了。」
宮二同葉問兩個從未開始,但喺宮二嘅心靈深處卻一直默默暗戀對方多年,
呢份睇落平淡但至死不渝嘅堅持,比唔少轟轟烈烈嘅愛情故事都嚟得更浪漫更感人。
「在最好的時間遇到你,是我的運氣,
可惜我沒有時間了。我選擇留在我自己的歲月裡了。」
從台詞、眼神到功架,章子怡憑住出神入化嘅演技,成功力壓群雄,
真正做到戲裡戲外兩個人,成為全片嘅最大亮點,
我諗嚟緊喺金像、金馬同百花獎嘅影后寶座,應該都係非佢莫屬㗎喇!
其他角色方面,梁朝偉嘅表現依舊沉穩無破綻,真不枉其「一代戲精」嘅美名
兩位主角都表演出色,各個配角如王慶祥、趙本山、尚鐵龍同張晉嘅演出亦同樣叫人難忘。
「都說人生無悔,那是賭氣的話,如果真無悔,該有多無趣啊。」
聽到呢句對白,唔知點解,我內心忽然有一種釋懷嘅感覺……


由趙薇執導嘅大陸電影《致我們終將逝去的青春》,好老實講,套戲本身咁鬼肉麻我就真係唔多Like㗎喇!唯一值得留意吓嘅,就只有王菲所唱嘅嗰首主題曲「致青春」
同王菲一樣咁有性格嘅「台灣音樂才女」陳珊妮……
佢最近所推出嘅新專輯《低調人生》都算係近期一張幾有水準嘅佳作,
前者聽起嚟似係清清淡淡,內裡查實就down到HiHi兼且殺傷力驚人,
而後者就係陳珊妮同另一位唱作才女張懸嘅一次精彩結合,
加埋第二波主打「啟示路」同點題作「低調人生」,呢堆通通都係令人百聽不厭嘅好歌。
第三屆超偶冠軍朱俐靜醞釀四年終於推出咗佢嘅首張個人專輯,
我覺得呢隻碟以整體嚟講算係中規中矩啦!碟入面有好多首歌都具有唔錯嘅流行元素,
例如係喺YouTube破咗百萬點擊率嘅「一千萬次的淚水」「我會在你身邊」
呢兩首歌都係由張韶涵、郭靜同范瑋琪嘅御用音樂人王雅君所創作,
一首悲傷,一首甜蜜,兩者之間,個人就較為鍾意「一千萬次的淚水」多啲,
呢首歌嘅音域廣闊,難度甚高,非常考驗歌手嘅唱功;
點題作品「存在的力量」「愧」就顯示出朱俐靜本人嘅寫作才華;
近排狂打緊嘅嗰首「女神」,喺曲風上就有啲似蔡依林嘅style,
可能佢間唱片公司係企圖想將佢打造成新一代嘅舞台女王啦!
但依我呢個局外人去睇,成件事畀人個觀感就十分之格格不入囉!
久違歌迷十三載嘅資深女唱將趙詠華喺今年三月尾再出新碟,靚聲依舊,
定係重唱「一代民歌天后」鄭怡嘅「天堂」都令人聽出耳油,回味無窮。


另一位我勁鍾意嘅台灣天后級歌手葉璦菱喺前排亦推出咗佢嘅全新台語專輯。
男歌手方面,「盲人歌王」蕭煌奇嘅全新國語大碟《好好先生》真係越聽越好聽,尤其係點題作「好好先生」同埋碟內嘅次波主打「男人有淚」前者溫暖窩心,後者有血有淚,堪稱男人悲歌中嘅XO。至於第三、四波主打「簡單的快樂」「過我的生活」嘅歌詞就充滿正能量,而蕭煌奇嘅演繹亦畀人一種隨性而自在嘅feel,以整張碟嚟計,《好好先生》嘅搶耳度同驚豔度都比唔上上一張國語專輯《孤獨的和弦》,但就勝在水準平均。另外,各樂迷亦唔好錯過「台灣三大男高音」之一嘅趙傳大哥喺今年年頭推出嘅新碟,歌聲紮實、高亢而響亮嘅佢,今次喺專輯度仲首次嘗試挑戰做Rapper,你話破格唔破格先?

自從達哥轉咗玩福音音樂之後,我已經好少去follow佢嘅作品,
但佢最近所發行嘅新歌「烏托邦」「夢幻園地」,就令我感受返佢昔日嘅嗰一團火。
有「大馬歌神」之稱嘅巫啟賢喺香港會展舉行兩場個人演唱會,
諗返當年小弟都幾鍾意聽老巫唱歌㗎!亦買過佢幾張正版唱片,
所以當我聽到佢話要嚟香港開Show嗰陣,個心都曾經有閃過走去買飛呢個念頭,
不過後嚟當我知道佢喺嚟緊個演唱會度將會翻唱好多首「別人的歌」嘅時候,
我就即時掟彎轉呔冇回頭,事關我一向都認為,老巫嗰一種獨特嘅唱腔同演繹方式
……
就只限適用於佢自己啲歌,唱人哋嘅歌?嘩!咁就真係咪撚搞我囉!
吓!乜嘢話?古惑仔演唱會?咁點解淨係得浩南哥、山雞哥、包皮、大天二同大頭仔㗎?蕉皮、基哥同大佬B呢?仲有大飛、十三妹同蔣天養又去咗邊?喂!佢哋都係洪興㗎喎!嗱!計我話不如咁啦!你哋當晚吹雞叫哂洪興成班兄弟上台……然後再請埋東星社嘅耀揚哥過嚟做嘉賓,咁樣就真係perfect池喇!各位試諗吓,「恨怨聲」「愛我別走」「地踎搖滾」……仲有「肥婆隻雞甩晒毛」「今晚扑嘢夜唔夜」,我淨係睇到啲歌名已經鬼死咁興奮!若然有幸可以喺現場聽到呢堆名曲嘅話,咁細佬就真係此生無憾!

即使無緣聽到細蔣生同耀揚哥嘅動人歌聲,唔打緊!我哋仲有瘋華絕代柏盛哥!喺收筆之前,就等佢嚟為大家高歌一曲!可能你哋會問:「喂~呢條四眼佬究竟係乜水嚟㗎?」嗱!我講出嚟咁多位千祈唔好淆底呀!呢位四眼哥哥……之唔係喺《古惑仔之人在肛門》一槍辣低𡃁坤嘅「灣仔槍神」,嘿嘿~問你/妳怕未?
喵~你仲講?就嚟天光喇喂!早抖啦你條口水佬!

170 則留言:

  1. 哈哈!亨利哥真係好串!不過我鐘意!!!

    回覆刪除
  2. 讓我也來個勁~~~~~~ LIKE~!!!
    祝你生日大快樂, 愈活愈通達, 愈精彩,

    回覆刪除
  3. 早餐竟然係「全日供應」我喜歡...
    呢個月嘅生日飯...哈哈...肥肥白白

    回覆刪除
  4. ....我都想去滾呀 .....

    回覆刪除
  5. ice may may 雪美美、子格格2013年7月25日 下午11:08

    友情歲月.....好!

    回覆刪除
  6. 小子,我認為利物浦真係必須要買多個星級前鋒先可以放走蘇亞雷斯.
    [版主回覆07/29/2013 09:35:00]
    但強行要留住一個無意留下的球員也是沒有意思的。

    回覆刪除
  7. 吃ㄉ很豐盛呀

    回覆刪除
  8. food, football, movies and music ~~~~ that's life!!!!

    回覆刪除
  9. 真係灣仔槍神?差d唔認得佢...但好似同電影把聲唔同ge?咁佢而家仲有冇拍戲?
    [版主回覆07/29/2013 09:36:00]電影係配音嘛!

    回覆刪除
  10. 《致我們終將逝去的青春》
    趙薇成了最賣座導演!

    回覆刪除
  11. 早餐竟然係「全日供應」,瞓到黃朝八晏都有早晨餐食,相當照顧週到!
    梁朝偉就算發揮唔多,但的眼神真係殺C人。

    回覆刪除
  12. 我前晚都做左個大眼仔童年版印章,都係佢地細個既樣可愛啲。遲下或者做埋毛毛既仔版。
    單睇劇照,一代宗師個美指真係做得唔錯喎。

    回覆刪除
  13. 包羅萬有嘅一篇金裝blog!勁勁勁!

    回覆刪除
  14. 怪獸大學,都睇左.張藝人同王藝人配音得都很不錯

    回覆刪除
  15. 首先祝你生日快樂!跟住就係~~~嘩!好長的一篇blog,真係包羅萬有.

    回覆刪除
  16. 嘩, 你呢篇大雜燴好勁. 我唔知從邊一忽回應好. 我由頭睇到落尾, 汁都撈埋. 仲以為最後會講登陸火星添. 又冇. 有D失望

    回覆刪除
  17. The article was well read.Thank you for sharing Bondi.

    回覆刪除
  18. 你個口水佬,一係唔出聲,一出聲就咁長篇大論.

    回覆刪除
  19. 大佬, 老實講, 今次你嘅口水算少喇 ~~~~~
    1. 利記, 蘇七, 在我 Blog 再同你講講 ~~
    2. 電影, 近幾個月我都睇咗好多, 一直想寫番幾隻字, 但冇動力.........

    回覆刪除
  20. Bo仔.. 次次都好豐富 !

    回覆刪除
  21. 蜓子...................2013年7月26日 上午10:05

    迪哥哥好多謝你的支持,,無言感激.....
    果一個話我的男blog友叫~~小Nick..博頭相是貓頭鷹來的..........
    [版主回覆07/29/2013 09:40:00]明白,不用理會這種人。

    回覆刪除
  22. 香港美食 ~~ 睇見流口水

    回覆刪除
  23. 薯片少食為妙, 內裡好多東西令人有糖屎病和高血壓, 身體要緊, ..... 尤其唔好當早餐咁食, 不如, 食兩塊麵包, 飲杯奶粉開的奶, 都已經好好,
    [版主回覆07/29/2013 09:41:00]我對奶敏感,也很討厭吃白麵包。

    回覆刪除
  24. 早晨呀!.謝謝分享!祝您 週五愉快身體安康!

    回覆刪除
  25. 想問間厚福係旺角邊度? 開飯網話係旺角道一號, 但好景商場係登打士街
    [版主回覆07/29/2013 09:43:00]開飯網那個寫錯了!

    回覆刪除
  26. Time您好!我祝您週五愉快!祝您事事如意!

    回覆刪除
  27. 真係講盡天南地北 .

    回覆刪除
  28. 鐘意打冷,認住「紅伶」。

    回覆刪除
  29. 殷師奶 HeBi Yuen2013年7月26日 上午11:36

    男人齊齊去滾......笑左~~
    王菲首「致青春」我都勁鐘意....不過略為短左少少,不過菲姐D歌都係短

    回覆刪除
  30. 超級豐富的一篇, 有得食, 有運動, 有得睇! 好

    回覆刪除
  31. Happy if Yahoo HK blog works2013年7月26日 下午12:12

    "呢間茶記非常特別,佢哋嘅早餐竟然係「全日供應」,相當抵死!"
    各人起床時間不同, 哈.
    Leonardo DiCaprio 巳不年青,要演其他戲路. 算演技不錯.
    葉問巳拍了幾套,要有其他故事才能吸引觀衆.

    回覆刪除
  32. 生日期間..飲飲食食..有冇肥咗呀

    回覆刪除
  33. 好豐富嘅節目、好充實嘅生活

    回覆刪除
  34. 你好有食福呀!趙薇套戲等睇碟先 ^^

    回覆刪除
  35. 有咁瘋狂嘅 Leonardo DiCaprio,《黑殺令》...緊要睇喇!...好似獲最佳原創劇本獎添!

    回覆刪除
  36. 好豐富的一篇 ! 睇咗我幾個字 ! 精釆 !
    謝謝分享 !

    回覆刪除
  37. 你這個口水佬好勁呀!謝謝分享. 週五愉快.
    • ˚Happy★* 。 • ˚ ˚ ˛ ˚ ˛ •
    •。★Always!★ 。* • ˚。
    ° 。 ° ˛˚˛ * _Π_____*。*˚
    ˚ ˛ •˛•˚ */______/~\。˚ ˚ ˛
    ˚ ˛ •˛• ˚ | 田田 |門| ˚

    回覆刪除
  38. 黃師奶廚藝小百科2013年7月26日 下午2:24

    《一代宗師》~我都睇得明~唔係好似以前D 戲咁睇唔明王生做乜

    回覆刪除
  39. 多謝美食推介, 有機會一定要去試吓!~
    last張相阿貓個表情好搞笑又好可愛呀!

    回覆刪除
  40. 友情歲月演唱會掂,又係集體回憶!

    回覆刪除
  41. 嘻嘻...今次無咁長氣.....
    Time is Changing唔好再成日食壽司,....
    小晴看你既post見親壽司就好想食啦.......
    小晴雖然覺得怪獸公司ok.....不過我不太好卡通....,所以小晴冇咩興趣.......

    回覆刪除
  42. 哈哈哈,是踏油,不是加油!

    回覆刪除
  43. 域 流亦詩 Louis Rick2013年7月26日 下午7:26

    哈哈、呢度有嘢食、有球星和影星睇、仲有歌聽、如果唔連汁都撈埋就走、咪笨過阿笨?

    回覆刪除
  44. 晚安!多謝分享!

    回覆刪除
  45. 達哥首烏托邦絕對係今年既年度金曲。我都覺得Noomi Rapace好正,同道中人。
    [版主回覆07/29/2013 09:51:00]Eminem兄快Cheer Up!

    回覆刪除
  46. 你硬係要一次過講咁多野,太豐富啦!

    回覆刪除
  47. 貓貓D表情好搞笑ar~

    回覆刪除
  48. HAHA隻貓好惡!

    回覆刪除
  49. 《誣網》~~男主角好無辜﹗我今天睇左3D武士激戰,OK架﹗勿錯過。

    回覆刪除
  50. 晚安...謝謝分享....祝快樂。

    回覆刪除
  51. 間厚福喺邊?
    [版主回覆07/29/2013 09:54:00]好景商場附近

    回覆刪除
  52. 老巫嘅「太傻」同「心酸的情歌」係我喺夜場嘅其中兩首飲歌。

    回覆刪除
  53. 你生日有咁多好嘢食,你人緣好啊!
    《一代宗師》我妹請我睇咗喇!是一部有深度的電影,我最愛那拍攝手法,正啊!

    回覆刪除
  54. 做咩唔分開幾篇來講, 哈

    回覆刪除
  55. 謝謝咁多好介紹....

    回覆刪除
  56. 我都好鐘意同班friend一齊去滾!哈哈!!

    回覆刪除
  57. 點解喺酒樓可以食煙嘅???

    回覆刪除
  58. 你年年生日都狂食幾廿餐之後就寫返篇口水多過浪花既謝詞, 有冇過份左d呢
    誣網我睇到幾乎透唔到氣...係依家咁既年代, 竟然可以發生咁荒謬既事
    [版主回覆07/29/2013 09:56:00]又長又噚係我的style!

    回覆刪除
  59. 我都好鐘意打冷的~~

    回覆刪除
  60. haha.. CoCo 好型呀仲好關心叫你早D抖

    回覆刪除
  61. 我反而越嚟越憎熱狗!!搞到利記一獲又一獲!!先有施古臣、丹普西!!而家又到蘇達度!!真係英超嘅至尊無賴!!!

    回覆刪除
  62. 謝謝分享夏日好時光!
    怪獸大學,暑期過癮!

    回覆刪除
  63. 哈哈,謝謝分享,唔睇都唔知原來朱俐靜終於出左碟,看你描述似乎唱片公司對她採取不同的探索階段,始終她比賽時唱英語歌走紅;《誣網》與"一代宗師"會是年度自選十大之二,更相信後者幾年後重看,仍十分有味道.
    [版主回覆07/29/2013 10:02:00]
    一向頗欣賞朱俐靜,我覺得真的不比時下任何一個當紅的女歌手差,她所欠缺的只是一個好時機!

    回覆刪除
  64. 有影評、有碟評、有食評,一次過滿足三個願望!

    回覆刪除
  65. 撇除唱方面的話,劉以達的確是全香港最頂尖的音樂人,尤其是在編曲方面。

    回覆刪除
  66. 抖完又再講多D呀~~

    回覆刪除
  67. Time is Changing早晨!其實實力派歌手唱人地既歌,我覺得又無乜問題呀...好過錯失一次欣賞自己喜愛的歌手囉

    回覆刪除
  68. 蕭煌奇唱出生命的感動。

    回覆刪除
  69. 三文魚刺身不易多食。

    回覆刪除
  70. 咁多正野食呀....

    回覆刪除
  71. 最最........喜歡就係頭同尾出現個貓模..............

    回覆刪除
  72. Time Time買左勤勤隻復克未?期待你ge聽後

    回覆刪除
  73. $1一個蜑家雞/豬骨鍋?咁抵?

    回覆刪除
  74. Time Is Changing 你好, 我一直給某人冒充, 周圍用我網名搗亂, 騷擾網友, 請日後要click 頭像看真偽, 那無聊人只可以冒充我網名和頭像, 卻冒充不了私blog 中千變萬化的電腦美化語法, 我還有另外一個blog是專貼靚歌, 有時間來溜覽,
    .
    http://blog.yahoo.com/_XKWW62SBKYLTYL5MNXJHUCNHPI/articles/page/1

    回覆刪除
  75. 我今晚去看「大馬歌神」演唱會呀

    回覆刪除
  76. Meow Meow so cute。。。^^。。。

    回覆刪除
  77. 我都有打算去睇怪獸大學,多謝您的到訪~

    回覆刪除
  78. 全日供應早餐啱哂我~~

    回覆刪除
  79. Time Is Changing 午安,
    祝週末及週日開心愉快。

    回覆刪除
  80. TIME IS CHANING,多謝你的MOVIE介紹~誣網(THE HUNT),要去睇睇

    回覆刪除
  81. 好豐富的一個題目,又食又玩又有得深思,精采

    回覆刪除
  82. 好豐富的生日月呀

    回覆刪除
  83. 有無去睇波
    [版主回覆07/29/2013 10:05:00]
    冇呀!我只會看利記的比賽!

    回覆刪除
  84. 補祝生日快樂。

    回覆刪除
  85. 技壓群雄,形容得相當好。下屆各電影頒獎禮章子怡真係冇得輸。

    回覆刪除
  86. 00000___00000 * . * God
    0000000_0000000.* * take
    0000 OOOO 00000. . * care
    _0000000000000 * .* of
    __00000000000 * . * person
    ____0000000 . * .* that
    ______000 . * . * is
    _______0 ** ..* reading
    *.. ** .. * . this
    開開心心渡過愉快的週末喇time is changing(。◕ヮ^)

    回覆刪除
  87. ......................,"",""","","",
    ......................#.#..#.#.#
    ..................__#_#_#_#_#__
    ..................{_..`..`.`.`..`.._}
    ...............__{_..._.._.._.._..._}__
    ..............{_...H...A...P...P...Y..._}
    ...........__{_..._..._.._.._.._..._..._}__
    .......__{__...B.I..R..T...H..D..A..Y...__}
    _.---{__..._..._..._..._.._..._..._..._...__}--- .
    (.....`.".".".".".".".".".".".".".".".".".".".".".`.....)
    `~~~~~~~~~~~~~~~~~~~~~~~~~~~`
    補祝生日快樂,無憂無慮!

    回覆刪除
  88. 隻貓好可愛~!!

    回覆刪除
  89. 誣網很好看,各演員都演得好好,連狗和鹿恍惚都有戲。
    [版主回覆07/29/2013 10:09:00]
    想不到這兒也有那麼多blog友看了《誣網》,有點意外!

    回覆刪除
  90. d節目好豐富喎~~

    回覆刪除
  91. 一直很喜歡珊妮公主。

    回覆刪除
  92. 晚安!你好!祝你愉快假期!

    回覆刪除
  93. Pandora 香傭講法文2013年7月27日 下午11:32

    打冷顔色鲜艶

    回覆刪除
  94. 咁多美食....又平又好味....

    回覆刪除
  95. 死奧狗食屎啦!

    回覆刪除
  96. 呢篇blog, 除o左波, 我睇晒~ 勁呀~ 寫咁多~

    回覆刪除
  97. 有全日早餐咁好?! 通常响cafe先會見到呢! 而且價錢不平啊~~

    回覆刪除
  98. 豐富多彩的生活!

    回覆刪除
  99. Shaqiri + 25M,早賣早著! 但好似阿妓會第三次報價,快點搞掂佢。好Q煩!

    回覆刪除
  100. 網上恩怨誰是誰非?2013年7月28日 下午12:05

    幾年來之追殺........人性盡現 ! ! !

    回覆刪除
  101. 果然敢稱史上最強之天南地北

    回覆刪除
  102. 超愛致青春,音樂好聽,唱得好聽,一聽到"良辰美景奈何天"就想哭。

    回覆刪除
  103. Time Is Changing晚安:祝您有個愉快週日。

    回覆刪除
  104. 嘩,好多好嘢食喎。

    回覆刪除
  105. 靚仔你真係超好人緣wor~年年都有咁多生日飯食~~
    [版主回覆07/29/2013 10:15:00]多謝一眾老友一直咁愛錫我!

    回覆刪除
  106. 狂小子你好..週日快樂..

    回覆刪除
  107. 早晨....多謝分享!

    回覆刪除
  108. 剃刀・魯鐸克2013年7月29日 上午9:12

    十年冇打過冷同邊爐!

    回覆刪除
  109. 怪獸大學近來好紅!

    回覆刪除
  110. 你好.. 早晨呀!.謝謝你!祝.您 週一愉快 身體安康!

    回覆刪除
  111. 希望不要介意遲來的祝福 , ~~祝你生日快樂 , 身體健康~~

    回覆刪除
  112. 厚福海鮮酒家 -> 咁低但點解後面d枱無咩人嘅? 咩時段來呀!!!
    anyway, late to say ->>> 生日快樂呀!!!
    [版主回覆07/31/2013 23:40:00]拍照時經已是凌晨兩點!

    回覆刪除
  113. 我反而鐘意怪獸大學多過怪獸公司..

    回覆刪除
  114. 厚福海鮮酒家 新蒲崗都有一間,晚上9點後去滾係幾抵,
    可惜我們上次去遇著“伯母“點幾款都無,勁無引........

    回覆刪除
  115. 二傻係古惑仔入面個灣仔槍神?

    回覆刪除
  116. 巫啓賢最好聽的一首歌是你是我的唯一(譚詠麟也曾相識原版)。

    回覆刪除
  117. 生日飯﹖即係生日囉,恭喜恭喜~

    回覆刪除
  118. 我的名字叫悲傷2013年7月29日 下午8:00

    好多野食~有人生日?係你?生日快樂

    回覆刪除
  119. •☆話咁快又一天啊•*晚上好...⊹*新的一天開始・⊹*星期一⊹*繼續天天樂活

    回覆刪除
  120. 達哥玩番電子音樂咪好囉 搞乜鬼野福音呀

    回覆刪除
  121. 《怪獸大學》其實係前作《怪獸公司》嘅前傳
    我只對人形卡通和鳥獸,有興趣,...早期龍珠。續集=多是差。冇翻版巳10年...正版也不售香港
    小童期的卡通....我都有看,看見店有賣....應是早期作品....我也買。今天看見碟店...下月可能消失。.........我少看港產片.....有看碟..多是平價碟...買給表妹看。這幾年...80%有....她家搬往將軍澳...今年不用買。...................你次次都用心做............感激分享......祝快樂。

    回覆刪除
  122. 人寫長篇網誌, 我也寫長篇網誌。 為什麼我的就讓人直打,
    而哥哥仔你的人人看了都會說”甘短的? 無夠喉呀!" 期待你的下一個長篇!

    回覆刪除
  123. 甘快又一年啦,又大一歲了,生日快樂,身体健康呀

    回覆刪除
  124. 奧雲雖然係仆街仔一名,
    仲由昔日天之驕子到比人話係球場tommy.........
    但佢係利物浦個陣真係帶俾我好多回憶:~( :~(

    回覆刪除
  125. 蘇7去阿妓其實真係唔合理,因為:
    1. 一個有歐聯踢,一個連「歐戰」都無
    2. 人工又高左
    3. 再轉會就一定有冠軍
    [369] [369] [369] [369] [369]

    回覆刪除
  126. 章子怡係2046都好撚正[bouncer][bouncer][bouncer]

    回覆刪除
  127. 聽巫啟賢是男人的浪漫,聽單春是MK仔的浪漫#yup# #yup#

    回覆刪除
  128. 蔣天養名曲仲有:「今晚去廟街叫雞,撞到莎莎個臭雞」

    回覆刪除
  129. 巫啟賢在港不是太多為人熟悉的歌,
    反而翻唱下人地作品會充實到個演唱會!!!!

    回覆刪除
  130. 蜓子呢種女人算係好雞黎架!!!呢個女人個卜寫埋d色情遐思???? 即個鮑魚想出水呀!!!嘩哈哈!!!
    http://blog.yahoo.com/_SNPQYNDXMYPRZNDW5Z3NFFMT3Y/articles/43247/category/%E8%89%B2%E6%83%85%E9%81%90%E6%80%9D
    [版主回覆07/31/2013 22:43:00]請你自重一下。
    [Yahoo! 用戶回覆08/01/2013 20:48:00]你又幫蜓子出水呀??? 小心中毒喎!!!

    回覆刪除
  131. TIME IS CHANGING 你好, 大家快樂!
    ღ*。ღ*゚*。。*゚*ღ*゚。。ღ*。ღ*゚*。。*゚*ღ。。。*゚*ღ。。
    _❤__❤__❤___❤___❤) ✿甜蜜幸福
    ❤________❤_______❤) ✿開心滿滿
    ❤________❤_______❤) ✿暖暖心甜
    _❤______❤_______❤) ✿幸福久久
    __❤____❤_______❤) ✿喜悅相伴
    _____❤________❤) ✿溫馨滿懷
    _______❤____❤) ✿微笑甜甜
    __________❤) ✿舒心舒緩

    回覆刪除
  132. DiDi~~我仲爭你一餐生日飯~~
    [版主回覆07/31/2013 22:41:00]
    我先請妳,妳再請我!

    回覆刪除
  133. 忘記你七月尾生日! 生日快樂!
    咁樣吃法, 有否肥了。
    會看一代宗師。
    八月份不做其他了,
    因要去出國。留$$用。

    回覆刪除
  134. 我冇看那事和戲....笑話的戲=不易找題材。香港是抄橋居多。
    冇創作料子歌曲是最冇能者....大師級=專抄日本曲/祗填歌詞/就當自己。.....
    評歌者...是一堆垃圾人/會填詞就去評人...........香港會真的項詞.....
    東抄西抄.....墨水小小的妹妹.......又話作曲作詞....
    好在香港小學生和初一二的學生冇腦和冇主意.........
    連不明白語言/也一巢蜂做觀眾.....真可笑的少青

    回覆刪除
  135. 晚安.....佩服你-----將多種題材放一起
    [小黃部屋回覆08/01/2013 13:34:00]
    簡直佩服得五體投地, 我一篇單寫幾齣電影已感到很吃力呢.

    回覆刪除
  136. 雖然遲了点 , 補祝你生日快樂!健健康康呀!
    [版主回覆08/03/2013 00:50:00]
    嘩!阿蘇Long long long long time no see!

    回覆刪除
  137. 請恕我遲來的祝福﹗祝你﹕生日快樂﹗身體健康﹗
    [版主回覆08/03/2013 00:46:00]不要緊!謝謝。

    回覆刪除
  138. 所謂珠玉在前, 續集往往給人印象不好, 但由於我沒看過第一集, 所以覺得MU不錯, 而更因真夏方程式而成了福山迷呢!
    而"誣網"絕對是我2013年最喜愛電影之一.

    回覆刪除
  139. 嘩,真係睇咗好多戲喎! Happy Birthday!

    回覆刪除
  140. 打風喇*•☁*落雨好收衫喇*•☁*MY █▄ϑ❤Ҽ 好朋友。.¤早晨。.☆快樂星期四。.¤

    回覆刪除
  141. 長篇大論,為何沒我想的長?文藝片王《一代宗師》值85分。

    回覆刪除
  142. 怪獸大學好笑 ^^

    回覆刪除
  143. 壽司大餐, 睇見想食, 邊間呢?
    [版主回覆08/28/2013 05:21:00]元氣!

    回覆刪除
  144. 只要是和好朋友一起吃吃聊聊...無論吃啥都好開!,

    回覆刪除
  145. 原來你都係7月生日架?
    生日快樂

    回覆刪除
  146. 勁過引,哈哈‧

    回覆刪除
  147. 樣樣都識欣賞,
    又有時間,
    好野!

    回覆刪除
  148. 嘩!161人留言了。

    回覆刪除
  149. S7仲衰過T9,真係討厭!!正PK!你要同我地成個CLUB玩野,我驚你玩唔起!!!

    回覆刪除
  150. 怪獸大學正啊,我都係看中文VER ^^

    回覆刪除
  151. 豆丁@加拿大Hamilton2013年8月12日 上午11:22

    咁樣嘅標題好吸引 XDDDDD

    回覆刪除
  152. The Hunt will be one of my top 10 movies this year.

    回覆刪除
  153. Time: 補祝生日快樂!
    謝謝歌曲和影片分享!

    回覆刪除
  154. 嘩!連埋我,一共有167人留言,利害!可以上雅嗚榜lu!
    《一代宗師》, 我在回香嗰程機都有睇,真是好戲!

    回覆刪除
  155. 簡直係看了一篇好睇得嘅娛樂雜誌,但真的.......好長氣咯!

    回覆刪除